މ. ދިއްގަރު ޞިއްޙީ މަރުކަޒުގައި ޤާއިމުކުރި ގައިންގަޔަށް ނާރާ ބަލިތަކުގެ ކްލިނިކް، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އަނބިކަނބަލުން މެޑަމް ސާޖިދާ މުޙައްމަދު ހުޅުއްވައިދެއްވައިފިއެވެ.
މި ކްލިނިކް ހުޅުވައިދެއްވުމަށްފަހު މެޑަމް ސާޖިދާ ވަނީ ކްލިނިކް ބައްލަވާލައްވައި، ފޯރުކޮށްދޭ ޚިދުމަތްތަކުގެ މަޢުލޫމާތު އޮޅުންފިލުއްވާފައެވެ.
ކްލިނިކް ބައްލަވާލެއްވުމަށްފަހު، ދިއްގަރު ޞިއްޙީ މަރުކަޒުގެ ޢިއްޒަތްތެރިން ސޮއިކުރައްވާ ފޮތުގައި މެޑަމް ސާޖިދާ ސޮއިކުރެއްވިއިރު، މި ރަސްމިއްޔާތުގައި، ދިއްގަރު ޞިއްޙީ މަރުކަޒުގެ ފަރާތުންނާއި ދިއްގަރު ކައުންސިލް އިދާރާގެ ފަރާތުން ވަނީ އެކަމަނާއަށް ހަދިޔާއެއް ވެދުމަށް އަރުވާފައެވެ.
ދިއްގަރަށް މެޑަމް ސާޖިދާ ކުރައްވާ މި ދަތުރުފުޅުގައި މިއަދު މެންދުރުފަހު ދިއްގަރު ސްކޫލުގައި ބާއްވާ ހަކުރުބަލީގެ ދުވަހުގެ ޚާއްޞަ ހަފްލާ ޝަރަފުވެރިކޮށްދެއްވުމަށް ވަނީ ހަމަޖެހިފައެވެ.
Advertisement
This content is created and paid for by advertisers and does not involve Voice Journalists
