Advertisement

ގިނަ އަދަދެއްގެ ބަނގުރަލާއެކު ދެބިދޭސީން ހައްޔަރުކޮށް، ޑީޕޯޓު ކުރުމަށް އިމިގްރޭޝަނާ ހަވާލުކޮށްފި

ބަނގުރަލާއެކު ހައްޔަރުކުރި ދެމީހުން: ފޮޓޯ/ ޕޮލިސް

ގިނަ އަދަދެއްގެ ބަނގުރަލާއެކު ލަންކާގެ ދެ ބިދޭސީން ހައްޔަރު ކޮށްފިއެވެ. 

ފުލުހުން ބުނީ، ކައުންޓަރ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން މާލޭގައި ހިންގި އޮޕަރޭޝަނެއްގައި ހެންވޭރު ގެއެއް ބަލައިފާސްކޮށް ދެ މީހަކު ހައްޔަރުކޮށްފައިވާ ކަމަށެވެ.

އެގޮތުން، ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސް ގުޅިގެން ހިންގި މި އޮޕަރޭޝަނުގައި ހައްޔަރުކޮށްފައިވަނީ ޕައްޓި ވިތަނަލަގެ ވިމޯޝާ ވިނަތަގެ (27އ) އަދި ނުރުކުޝަން ކަވިންދަ ސިންގަޕުރަގެ (21އ) އެވެ. މި ދެ މީހުންނަކީ ވެސް ސްރީލަންކާ މީހުންނެވެ.

Advertisement

ފުލުހުން ބުނީ، މި ޑިސެމްބަރު މަހުގެ 5 ވަނަ ދުވަހު ހިންގި އޮޕަރޭޝަނުގައި އެ މީހުން ދިރިއުޅޭ ގެ ކޯޓު އަމުރުގެ ދަށުން ބަލައިފާސްކުރިއިރު ބަނގުރާކަމަށް ބެލެވޭ އެއްޗެއްހުރި، 500އެމްއެލްގެ 116 ފުޅިއާއި 5ލީޓަރުގެ ހަ ފުޅި ފެނިފައިވާ ކަމަށެވެ.

އަދި މި މައްސަލައާ ގުޅިގެން ހައްޔަރުކުރި ދެ މީހުން ޑީޕޯޓު ކުރުމަށް އިމިގްރޭޝަނާ ހަވާލުކޮށްފައިވާ ކަމަށެވެ.

މި މައްސަލަ ފުލުހުން ދަނީ ތަހުގީގުކުރަމުންނެވެ.

Advertisement

ކޮމެންޓް

Advertisement

Advertisement