ހުޅުމާލެފޭސް ދޭއް ނިރޮޅުމަގުގައި ރޭ ނުރައްކާތެރި އެކްސިޑެންޓެއް ހިނގައި މީހަކަށް ވަރަށްބޮޑަށް އަނިޔާވެއްޖެއެވެ.

މި އެކްސިޑެންޓް ހިނގާފައިވަނީ ރޭ ދަންވަރު 01:50 ހާއިރުއެވެ. އެކްސިޑެންޓްގައި އަނިޔާވެފައިވަނީ، ސައިކަލުގައި އިން އުމުރުން 18 އަހަރުގެ ކުއްޖަކަށެވެ. މި އެކްސިޑެންޓާ ގުޅޭގޮތުން ފުލުހުން ބުނީ، އަނިޔާވި ކުއްޖާގެ ހާލު ސީރިއަސްކަމަށް ހުޅުމާލެ ހޮސްޕިޓަލުން މައުލޫމާތު ދީފައިވާކަމަށެވެ. މައުލޫމާތު ލިބިފައިވާ ގޮތުގައި އެކުއްޖާ އޮތީ ވެންޓިލޭޓަރަށްލާފައެވެ.

އެކްސިޑެންޓްގައި ގެއްލުން ލިބުނު ސައިކަލް.. ފޮޓޯ: ވޮއިސް

މި އެކްސިޑެންޓްގި ސައިކަލަށް ބޮޑެތި ގެއްލުންތަކެއް ވަނީ ލިބިފައެވެ. މީގެ އިތުރުން ކާރުގެ ކުރީކޮޅަށްވެސް ވަނީ ގެއްލުންވެފައެވެ. މި އެކްސިޑެންޓް ފުލުހުން ދަނީ ތަހުގީގުކުރަމުންނެވެ.