ޔޫއޭއީގެ ރަސް އަލް ޚައިމާ ކަނޑުގެ ސަރަހައްދަށް ކުޑަ މަތިންދާބޯޓެއް ވެއްޓި އެ ބޯޓުގައި ތިބި ދެމީހުން މަރުވެއްޖެއެވެ.
މެދުއިރުމަތީގެ ހަބަރުފަތުރާ ވަސީލަތްތަކުން މައުލޫމާތުދޭ ގޮތުގައި ވެއްޓިފައިވަނީ، ޖަޒީރާ އޭވިއޭޝަން ކްލަބަށް ނިސްބަތްވާ ކުޑަ މަތިންދާ ބޯޓެކެވެ. ވެއްޓުނު ބޯޓަކީ ދެމީހުނަށް އެރޭވަރުގެ ބޯޓެއްކަމަށްވެސް ބައެއް ނޫސްތަކުން ވަނީ ރިޕޯޓްކޮށްފައެވެ.މަތިންދާބޯޓު ކަނޑަށް ވެއްޓުނުއިރު، އޭގައި އެވަގުތުތިބީ ޕައިލެޓާއި ކޯ ޕައިލެޓް އެކަނިކަމަށް ނޫސްތަކުން ބުނެއެވެ. މި އެކްސިޑެންޓް ހިނގަން ދިމާވި ސަބަބެއް އަދި ސާފުނުވާއިރު، ބޯޓު އުދުހުނީ ކޮން ތަނަކަށް ކަމެއްވެސް އަދި ނޭނގެއެވެ.
ޔޫއޭއީގެ ޖެނެރަލް ސިވިލް އޭވިއޭޝަނުން ވަނީ މި އެކްސިޑެންޓް ހިނގިގޮތުގެ ތަހުގީގެއް ކުރަމުން އަންނަކަމަށް ބުނެފައެވެ. ޔޫއޭއީގެ ރަސް އަލް ޚައިމާ ކަނޑުގެ ސަރަހައްދަށް ކުޑަ މަތިންދާބޯޓެއް ވެއްޓި ދެމީހުން މަރުވެފައިވާއިރު، ދެކުނު ކޮރެއާގެ މަތިންދާބޯޓެއް ގެ މުއާން އެއާޕޯޓަށް ވެއްޓި ވަނީ 85 މީހުން މަރުވެފައެވެ. މީގެ އިތުރުން އެއާ ކެނެޑާ އެކްސްޕްރެސްގެ ބޯޓެއް ޖައްސަން އުޅުމުގެ ތެރޭގައި އަލިފާން ރޯވިއިރު، މީގެ ދެދުވަސްކުރިން ވަނީ އަޒަރުބައިޖާންގެ ބޯޓެއްވެސް ވަނީ ވެއްޓިފައެވެ.
އެ ހާދިސާގައި އެ ބޯޓުން ދަތުރުކުރި 38 މީހަކު ވަނީ މަރުވެފައެވެ. ހަބަރުތައް ބުނާގޮތުގައި އެ ބޯޓު ވެއްޓިފައިވަނީ ރަޝިއާގެ މިސައިލްތަކުން ދިފާއުވާ ނިޒާމަށް އެޅި އޮޅުމެއްގެ ތެރެއިން ބޯޓަށް ހަމަލާތަކެއް ދެވުމުންނެވެ.
Advertisement
This content is created and paid for by advertisers and does not involve Voice Journalists
