މިދިޔަ ނޮވެމްބަރުމަހު މަރުވި ނޭޕާލް މީހެއްގެ ހަށިގަނޑާ ހަވާލުވާނެ މީހެއް ނެތިގެން ގަލޮޅު ސަހަރާގެ މޯޗަރީގައި ހަށިގަނޑު ބާއްވާފައި އޮންނަތާ 24 ދުވަސް ވެއްޖެއެވެ.
ނޭޕާލަށް ނިސްބަތްވާ އުމުރުން 25 އަހަރުގެ ކަންޗަން ދުންގެލް މަރުވެގެން ފުލުހުންނަށް ރިޕޯޓްކުރީ މިދިޔަ ނޮވެމްބަރުމަހުގެ 9 ވަނަ ދުވަހުއެވެ. ފުލުހުންގެ ފަރާތުން މައުލޫމާތު ލިބޭގޮތުގައި ކަންޗަންގެ ހަށިގަނޑު އަދިވެސް އޮތީ ހަވާލުވާނެ މީހެއް ނެތިގެން މޯޗަރީގައެވެ. ކަންޗަންގެ ހަށިގަނޑާ ސްޕޮންސަރު ހަވާލުވެފައި ނުވާއިރު، ހަށިގަނޑު ނޭޕާލަށް ފޮނުވާލުމަށްޓަކައި ކުރަންޖެހޭ މަސައްކަތް ކުރަމުންދާކަމަށް ފުލުހުން ބުނެއެވެ.
ތަހުގީގަށް އެނގިފައިވާގޮތުގައި، ކަންޗަން ދުންގެލް ހޮސްޕިޓަލަށް ގެނެސްފައިވަނީ ވަރަށް ބޮޑަށް ބަނޑުގައި ރިއްސަން ފެށުމުންނެވެ. ހޮސްޕިޓަލަށް ގެނައުމުގެ މަގުމަތީގައި އޭނާގެ ހަބަރު ހުސްވިކަން ފާހަގަކުރެވިފައިވާކަމަށް ފުލުހުން ބުނެއެވެ. ފުލުހުން ހާމަކުރި ގޮތުގައި، މެޑިކޯ ލީގަލް ރެޕޯޓްގައި ކަންޗަން ދުންގެލް މަރުވި ސަބަބު ނޭނގޭކަމަށް ވަނީ ބަޔާންކޮށްފައެވެ. މި ރިޕޯޓްގައި އޭނާ އަށް ޖިންސީ އަނިޔާއެއް ލިބިފައިވާކަން އެއްވެސް މިންވަރަކަށް ފާހަގަކޮށްފައިނުވާކަމަށާއި، ކަންޗަން ދުންގެލް އަކީ އެނީމިއާ ގެ ހިސްޓްރީ އޮތް އޮތް މީހެއްކަން އެނގިފައިވާކަމަށް ފުލުހުން ބުނެއެވެ.
ކަންޗަންއަކީ މާލޭގެ ކެފޭއެއްގައި މަސައްކަތްކުރަން އުޅުނު މީހެކެވެ.
Advertisement
This content is created and paid for by advertisers and does not involve Voice Journalists
