ވެލާނާ އިންޓަރނޭޝަނަލް އެއަރޕޯޓުގައި މިއަދު ހެނދުނު ކާރަކާއި ޕިކަޕެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.
މި ހާދިސާއާ ގުޅިގެން ފުލުހުން ދަނީ ސީން އޭރިއާގައި ހަރަކާތްތެރިވަމުންނެވެ.
ފުލުހުން ބުނެފައިވާ ގޮތުގައި، މި އެކްސިޑެންޓުގައި ކާރު ދުއްވި ފަރާތަށް އަނިޔާވެ، ފަރުވާ ދިނުމަށްޓަކައި ހޮސްޕިޓަލަށް ވަނީ ގެންގޮސްފައެވެ.
އަދި ކާރުގެ ފަހަތުގައި އިން މީހަކަށް އަނިޔާވެފައިވާތީ، އެއަރޕޯޓު ކްލިނިކުގައި ފަރުވާ ދީފައިވާ ކަމަށް ވެސް ބުންޏެވެ. ނަމަވެސް ކާރުގައި ތިބި އެހެން ފަރާތްތަކަށް ސީރިއަސް އަނިޔާއެއް ވެފައި ނުވާކަން ފުލުހުން ވަނީ ހާމަކޮށްފައެވެ.
މި ހާދިސާ ހިނގި ސަބަބާއި، ހާދިސާގައި ޖެހުނު ދެ އުޅަނދުގެ ޑްރައިވަރުންނާއި އެހެނިހެން މަޢުލޫމާތު އަދި ހާމަކޮށްފައި ނުވެއެވެ.
Advertisement
This content is created and paid for by advertisers and does not involve Voice Journalists
