މިއަހަރުގެ ރިޔާސީ ބަޔާން، އަންނަ ފެބުރުއަރީމަހުގެ 6 ވަނަ ދުވަހު އިއްވާގޮތަށް ނިންމައިފިއެވެ.
ރައްޔިތުންގެ މަޖިލީހުގެ ރައީސް ޢަބްދުއްރަހީމް ޢަބްދުﷲ ވަނީ މިއަހަރުގެ ފެބުރުއަރީމަހުގެ 6 ވަނަ ދުވަހު، މި ދައުރުގެ ފުރަތަމަ ޖަލްސާ، ބޭއްވުމަށް ނިންމަވާފައެވެ. މިކަން މަޖިލީހުގެ އިދާރާއިން ވަނީ ކަށަވަރުކޮށްދީފައެވެ. ޖަލްސާ ފެށުމަށް ނިންމާފައިވަނީ އެދުވަހުގެ ހެނދުނު 09:00 ގައި ރައްޔިތުން މަޖިލީސްކުރާ ގޭގައެވެ.
ޤާނޫނު އަސާސީގެ 84 ވަނަ މާއްދާގައިވާ ގޮތުން ކޮންމެ އަހަރެއްގެ ރައްޔިތުންގެ މަޖިލިހުގެ ފުރަތަމަ ދައުރުގެ ފުރަތަމަ ޖަލްސާގައި ޤައުމުގެ ހާލަތު ބަޔާންކޮށްދީ އަދި ޤައުމުގެ ހާލަތު އިތުރަށް ރަނގަޅު ކުރުމަށްޓަކައި ކުރަންޖެހޭ ކަމަށް ރައީސުލްޖުމްހޫރިއްޔާ އަށް ފެންނަ ކަންތައްތަކުގެ މައްޗަށް އެކުލެވޭ ރިޔާސީ ބަޔާނެއް ރައްޔިތުންގެ މަޖިލިހަށް އިއްވަން ވާނެ އެވެ.
މީގެ ކުރިން އަހަރު ތަކުގައި، މަޖިލިސް ހުޅުވައި، ރިޔާސީ ބަޔާން އިއްވާ ދުވަހަކީ އަބަދުވެސް ސަރުކާރު ބަންދު ދުވަހެކެވެ
Advertisement
This content is created and paid for by advertisers and does not involve Voice Journalists
