މާލެސިޓީގެ ގެސްޓްހައުސްއިން މަރުވެފައިއޮތް ދިވެއްސަކު މިއަދު ފެނިއްޖެއެވެ.
ފުލުހުން މައުލޫމާތު ދިންގޮތުގައި ހެންވޭރުކޮޅުގައި ހުންނަ ގެސްޓްހައުސްއަކުން މަރުވެފައި އްވައި ފެނުނީ، އައްޑޫ ސިޓީ ހުޅުދޫއަށް ނިސްބަތްވާ އެރަށު ބޮކަރުމާގެ، އުމުރުން 59 އަހަރުގެ އަބްދުﷲ ޒަކީއެވެ. އޭނާ މަރުވެފައި އޮއްވައި ފެނުނީ ގެސްޓްހައުސް ކޮޓަރީގެ ފާހާނާތެރެއިންނެވެ. ޢަބްދުﷲ ނަގައިގެން ހޮސްޕިޓަލަށް ގެންދިޔައިރުވެސް އޭނާ މަރުވެފައިވާކަމަށް ހޮސްޕިޓަލުން މައުލޫމާތުދީފައިވާކަމަށް ފުލުހުން ބުނެއެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ. މި ފަހަކަށް އައިސް ގޮތްނޭނގޭގޮތަށް މިފަދަ މަރުތައް ފެންނަމުންދާ މަރުތައް އިތުރުވަމުން އަންނައިރު، މިމަހުގެ 7 ވަނަ ދުވަހުވެސް މާލޭގެ ގެއެއްގެ ތެރެއިން މަރުވެފައި އޮތް މީހަކުވެސް ވަނީ ފެނިފައެވެ. މީގެ އިތުރުން މިދިޔަ ޑިސެމްބަރުމަހުގެ ތެރޭގައިވެސް ދެ މީހަކު ފެނިފައި ވެއެވެ. އެމީހުން ފެނިފައިވަނީ ގޭތެރެއިންނެވެ.
Advertisement
This content is created and paid for by advertisers and does not involve Voice Journalists
