މިވަގުތު އެންމެ މެންބަރުން ގިނަ ޕާޓީ އަކީ ވެރިކަމުގައި އޮތް ޕީއެންސީކަން އިލެކްޝަންސް ކޮމިޝަންގެ ތަފާސް ހިސާބުތަކުން ދައްކައިފިއެވެ.

އެގޮތުން، އިލެކްޝަންސް ކޮމިޝަނުން އާއްމު ކޮށްފައިވާ ތަފާސްހިސާބުތަކުން އެނގޭ ގޮތުން، މިދިޔަ ޑިސެމްބަރު މަހުގެ ނިޔަލަށް ޕީއެންސީގައި ތިބި މެންބަރުންގެ އަދަދަކީ 68،968 އެވެ. 

މީގެ ހަ މަސް ކުރިން، މިދިޔަ ޖުލައިގައި ޕީއެންސީގައި ތިބީ 28،000އެއްހާ މެންބަރުންނެވެ. 

ދެވަނަ އަށް މެންބަރުން އެންމެ ގިނަ ޕާޓީއަކީ މީގެ ކުރިން އެންމެ ބޮޑު ޕާޓީގެ ގޮތުގައި ދެމިއޮތް، އިދިކޮޅު އެމްޑީޕީއެވެ. އެ ޕާޓީގައި މިވަގުތު 43،755 މެންބަރުން ތިބި ކަމަށް އީސީގެ ތަފާސް ހިސާބުތަކުން އެނގެއެވެ. އޭގެ ކުރިން މިދިޔަ ޖުލައި މަހުގައި އެ ޕާޓީގައި 52،142 މެންބަރުން ތިއްބެވެ. 

ތިން ވަނަ އަށް އެންމެ ބޮޑު ޕާޓީ ކަމަށްވާ ޖުމްހޫރީ ޕާޓީގައި މިހާރު ތިބީ 13،826 މެންބަރުންނެވެ. އަދި މީގެ ކުރިން ދެވަނަ އަށް އެންމެ މެންބަރުން ގިނަ ޕާޓީގެ ގޮތުގައި އޮތް ޕީޕީއެމްގައި މިވަގުތު ވެސް 12،174 މެންބަރުން ތިބި ކަމަށް ތަފާސްހިސާބުތަކުން ދައްކަ އެވެ. އެޕާޓީ އަކީ މިހާރު އުވާލުމުގެ މަރުހަލާގައި އޮތް ޕާޓީ އެކެވެ. 

- އަދާލަތު ޕާޓީ، 9،049 މެންބަރުން

- އެމްޑީއޭ، 9،210 މެންބަރުން

- އެމްއެންޕީ، 6،050 މެންބަރުން

- ދަ ޑިމޮކްރެޓްސް، 3،667 މެންބަރުން

- އެމްޓީޑީ، 2،359 މެންބަރުން

- ޕީއެންއެފް، 2،822