ކުރިއަށް އޮތް ހަފްތާ ބަންދުގައި މުޅި ރާއްޖެއަށް މޫސުން ގޯސްވާނެކަމަށް މޫސުމާއި ބެހޭ އިދާރާއިން ބުނެފިއެވެ.

އެއިދާރާއިން ބުނީ، މި ހަފްތާގެ ހުކުރު ދުވަހު މުޅި ރާއްޖެއަށް ވިއްސާރަވެހޭނެކަމަށް ލަފާކުރާކަމަށެވެ. ހަމަ އެއާއެކު ހޮނިހިރު ދުވަހު ރާއްޖޭގެ ބައެއް އަތޮޅުތަކަށް ވިއްސާރަކުރާނޭކަމަށް މެޓް އޮފީހުން ވަނީ ލަފާކޮށްފައެވެ. ވިއްސާރަ އަލިކުރާނޭ ދުވަހެއްގެ ގޮތުގައި މޫސުމާ ބެހޭ އިދާރާއިން ލަފާކޮށްފައިވަނީ އަންނަ ހޯމަދުވަހެވެ.

Advertisement

މެޓް އޮފީހުން ވަނީ ރާއްޖެއަށް މޫސުން ގޯސްވެ، މިރޭގެ 21:00 އާއި ހަމައަށް ހއ އިން ފެށިގެން ކ އަތޮޅަށް ހުދު ސަމާލު ނެރެފައެވެ. އެ އިދާރާއިން ބުނީ ހުދު ސަމާލް ނެރެފައިވާ ސަރަހައްދުތަކަށް ބޯކޮށް ވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވޭ ކަމަށެވެ.