ހުޅުމާލެ ފޭސް 2 ގައި އެސްޖޭ ކުންފުނިން އަޅަމުންދާ ދެ ބުރި މިސްކިތުގެ ޤިބްލަ ޖަހައި ނުދޭ ކަމަށް އިސްލާމިކް މިނިސްޓްރީން ބުނި ބުނުމަކީ ރައްޔިތުންނަށް އޮޅުވާލި އޮޅުވާލުމެއް ކަމަށާއި، އެއީ ދޮގެއް ކަމަށް ކުރީގެ އިސްލާމިކް މިނިސްޓަރ ޑރ. އަހުމަދު ޒާހިރު އަލީ ވިދާޅުވެއްޖެއެވެ.

ޑރ. ޒާހިރު މިހެން ވިދާޅުވެފައިވަނީ އެ މިސްކިތުގެ މަސައްކަތް ލަސްވާތީ އާންމުން ކަންބޮޑުވުން ފާޅުކުރުމުން އިސްލާމިކް މިނިސްޓަރ ޑރ މުހައްމަދު ޝަހީމް އަލީ ސަޢީދު ވިދާޅުވި ވާހަކަތަކަށް ރައްދު ދެއްވަމުންނެވެ.

ޑރ. ޒާހިރު ވިދާޅުވި ގޮތުގައި، ޤިބްލަ ފާހަގަކުރުމަށް އެސްޖޭ ކުންފުނިން އިސްލާމިކް މިނިސްޓްރީއަށް ސިޓީ ފޮނުވާފައިވަނީ 2022 މާރިޗު 23 ގައެވެ. އަދި މިނިސްޓްރީން ޤިބްލަ ޖަހައިދީފައިވާކަން އެސްޖޭއަށް ރަސްމީކޮށް އަންގާފައިވަނީ 2022 އޭޕްރިލް 11 ގައި ކަމަށާއި، މިކަމާ ގުޅޭ ލިޔެކިޔުންތައް މިނިސްޓްރީގައި ހުންނާނެ ކަމަށެވެ.

އެހެންނަމަވެސް، އިސްލާމިކް މިނިސްޓަރ ޝަހީމް ވިދާޅުވެފައިވަނީ، 2022 ގެ 23 ޖެނުއަރީ ގައި އެސްޖޭ ކުންފުނިން ހުޅުމާލޭގައި އަޅަން ފެށި މިސްކިތުގެ މަސައްކަތް ގިނަ ދުވަސްތަކެއް ވަންދެން ހުއްޓިފައި އޮތުމަށް ފަހު، އަލުން ފެށިފައިވަނީ މި ސަރުކާރު އައި ފަހުން ކަމަށެވެ. އަދި މިނިސްޓްރީއިން ބާރު އަޅައިގެން މިސްކިތް އަވަހަށް ނިންމުމަށް ކުރަންޖެހޭ ކަންކަން ކުރަމުންދާ ކަމަށް ވެސް އޭނާ ވިދާޅުވިއެވެ.

މިނިސްޓަރ ޝަހީމް އިތުރަށް ވިދާޅުވި ގޮތުގައި، މި މިސްކިތް އަޅަން ގެންނަ ތަކެއްޗަކީ ޑިއުޓީ ފްރީ ތަކެތި ކަމަށް ދެކެވޭ ވާހަކައަކީ ދޮގު ވާހަކައެކެވެ. 2022 ގައި މަސައްކަތް ފެށި ފަހުން މިއަދާ ހަމައަށް މި މިސްކިތުގެ މަސައްކަތަށް ގެނައި އެއްވެސް އެއްޗަކުން ޑިއުޓީ މާފްކޮށްފައި ނުވާ ކަމަށާއި، މިސްކިތް ނިންމުމަށް ކުރެވޭ މަސައްކަތުގައި އެސްޖޭ ކުންފުނީގެ އެހީތެރިކަން ލިބެމުންދާ ކަމަށް އޭނާ ވިދާޅުވިއެވެ.

2022 ގެ 23 ޖެނުއަރީ ގައި އެސްޖޭ ކުންފުނިން ހުޅުމާލެގައި އަޅަން ފެށި މިސްކިތް ގިނަ ދުވަސްތަކެއް ވަންދެން މަސައްކަތް ހުއްޓިފައި އޮތުމަށް ފަހު، އަލުން ފެށުނީ މި ސަރުކާރު އައިފަހުން.

މިނިސްޓްރީއިން ބާރު އަޅައިގެން މިސްކިތް އަވަހަށް ނިންމަންކުރަންޖެހޭ ކަންކަން މިދަނީ ކުރަމުން. އަޅުގަނޑުވާނީ އެތަނަށް ޒިޔާރަތްކޮށް ދިމާވެފައި ހުރި ދަތިތައް ވެސް ބަލާފަ. ޙައްލުކުރަންޖެހޭ ކަންކަން ޙައްލުކޮށްދެމުން މިދަނީ.

މިސްކިތުގެ ކަންކަން ކުރިއަށް ދިޔަ ގޮތުގައި ޓައިމްލައިން ކަމަށް ވިދާޅުވެ ވަޒީރު ޝަހީމް ހާމަކުރެއްވި މައުލޫމަތު ތަކަކީ؛ 

15/02/22 - ގައި ބިން ހަވާލުކުރެވުނު

23/03/22 - ގިބްލަ މާކްކޮށް ދޭން މިނިސްޓްރީގައި އެދުނު

20/11/22 - ގިބްލަ މާކްކޮށް ދޭން އެދުނުތާ 252 ދުވަސް ވީއިރުވެސް ގިބްލަ މާކް ނުކޮށްގެން ގިބްލަ މާކް ކޮށްދިނުމަށް އެދި ދެވަނަ ފަހަރަށް ސިޓީ ފޮނުވުނު

18/12/22 - މިނިސްޓްރީން ގޯތީގެ އިން ވަކިކޮށްދިން (ގިބުލަ ޖަހައިނުދޭ)

19/12/22 - މިނިސްޓްރީން ގޯތީގެ އިންވަކިކުރީ ނުބައިކޮށްކަމަށް އެޗްޑީސީން އެންގި

02/01/23 - ގޯތީގެ އިން ވަކިނުކުރެވި މަސައްކަތް ހުއްޓިވާތީ ގެއްލުންވާކަމަށް އެސްޖޭ އިން މިނިސްޓްރީއަށް އެންގި

24/01/23- 02/01/23 ގައި ފޮނުވި ސިޓީއަށް ޖަވާބު ނުލިބޭތީ އިތުރު ސިޓީއެއް ފޮނުވުނު

03/01/23 - އިންވަކޮށް އަލުން މަސައްކަތް ފަށަން އެންގި

09/02/23 - ކުރެހުމާއި ގޯތީގެ ބޮޑު މިން ދިމާނުވެގެން އެމައްސަލަ ހައްލު ކުރުމަށް އެދެނު

02/04/23 - ސެޓްބެކް މައްސަލަ ހައްލުކޮށްދީ އަލުން މަސައްކަތް ފަށަން އެންގި

17/05/23 ފައުންޑޭޝަން އިންޕެކްޝަނަށް ރިކްއެސްޓް ކުރެވުނު

28/05/23 އިންޕެކްޝަން ހަދާނުދީގެން ރިމައިންޑަރ ފޮނުވުނު

24/06/23 ގައި ފައުންޑޭޝަން އިންޕެކްޝަން ހަދާދީ ކޮންކްރީޓް އެޅުމަށް ހުއްދަދެވުނު