ރާއްޖެއަށް އެތެރެކޮށް އަދި ވިއްކުން މަނާކުރި ދެ ބޭހެއްގެ ރައްކާތެރިކަން ކަށަވަރުކޮށް އަނެއްކާވެސް އެ ދެ ބޭސް ވިއްކުމުގެ ހުއްދަ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)ން މިއަދު ދީފި އެވެ.

އެގޮތުން ވިއްކުމުގެ ހުއްދަ ދިން ދެ ބޭހަކީ:

ޕާކިސްތާނުގެ ކުންފުންޏަކުން އުފައްދާ މެފްނެކް ސަސްޕެންޝަން (މެފެނެމިކް އެސިޑް) 5އެމްއެލް އަދި 50އެމްއެލް

Advertisement

މެލޭޝިއާގެ ކުންފުންޏަކުން އުފައްދާ އެކްސެލް މެފެނެމިކް އެސިޑް ސަސްޕެންޝަން (މެފެނެމިކް އެސިޑް) 5އެމްއެލް އަދި 125އެމްޖީ

އެމްއެފްޑީއޭން ބުނީ ވަގުތީ ގޮތުން އިމްޕޯޓް ކުރުމާއި، ވިއްކުމާއި އަދި ބޭނުންކުރުން މަނާކުރެވިފައިވާ މި ބޭސްތައް، މާރކެޓުން ލިބެންހުރި ބެޗްތަކުގެ ސާމްޕަލް ނަގާ އިތުރަށް ޓެސްޓުކޮށް ބަލަންޖެހޭ ބެލުންތައް ބެލުމަށްފަހު، ބޭހުގެ ރައްކާތެރިކަން ކަށަވަރު ކުރެވިފައިވާ ކަމަށެވެ. 

އެހެންކަމުން، މިއަދުން ފެށިގެން ކުރިއެކޭ އެއްގޮތަށް މިދެބޭސް އިމްޕޯޓް ކުރުމާއި، ވިއްކުމާއި އަދި ބޭނުންކުރުމަށް ހުއްދަ ދީފައިވާކަމަށެވެ. 

މިއާއެކު އެމްއެފްޑީއޭއިން ބުނީ، ރައްކާތެރިކަމުގެ ފިޔަވަޅެއްގެ ގޮތުން މިދެބޭސް އިމްޕޯރޓް ކުރައްވާއިރު ޑައިއީތައިލިން ގްލައިކޯލް (DEG) އަދި އިތައިލީން ގްލައިކޯލް (EG) އެނަލައިސިސް ރިޕޯރޓް WHO ޕްރިކޮލިފައިޑް ލެބޯރެޓަރީ އަކުން ހުށަހަޅުއްވަންވާނެ ކަމަށެވެ.