ބޭންކް އޮފް މޯލްޑިވްސް (ބީއެމްއެލް) ގެ ޑިރެކްޓަރުންގެ ބޯޑަށް އާއްމު ހިއްސާދާރުން އިންތިހާބުކުރާ 3 ޑިރެކްޓަރުންގެ މަގާމަށް ކުރިމަތިލުމަށް ހުޅުވާލައިފިއެވެ.
ބީއެމްއެލުން ބުނީ، ޑިރެކްޓަރުކަމަށް ކުރިމަތިލުމަށް ހުށައަޅާ ފޯމު 26 ޖަނަވަރީ އިން 24 ފެބްރުއަރީ ވަނަ ދުވަހުގެ 14:00 ގެ ނިޔަލަށް އެ ބޭންކްގެ ހެޑް އޮފީހުގެ 6 ވަނަ ފަންގިފިލާގައި ހުންނަ ކޯޕަރޭޓިވް އެފެއާޒް ޔުނިޓުން ބަލައިގަންނަމުންދާނެކަމަށެވެ.
މި މަގާމަށް ކުރިމަތިލެވޭނީ އުމުރުން 30 އަހަރާއި 70 އަހަރާއި ދެމެދުގެ ފަރާތްތަކަށްކަމަށާއި، މަޤާމަށް ކުރިމަތިލާ ފަރާތްތަކުގެ ކިބައިގައި އެމްއެމްއޭގެ ޕްރުޑެންޝިއަލް ރެގިއުލޭޝަންގެ "ފިޓް އެންޑް ޕްރޮޕަރ ރިކުއަރމެންޓްސް" ގައި ބަޔާންކޮށްފައިވާ މިންގަނޑުތަކާއި ސިފަތައް ހުރުން ލާޒިމްކަމަށް ބީއެމްއެލުން ބުނެއެވެ.
މި މަގާމަށް ކުރިމަތިލުމަށް ބޭނުންވާ ފޯމު ބީއެމްއެލްގެ 6 ވަނަ ފަންގިފިލާގައި ހުންނަ ކޯޕަރޭޓިވް އެފެއާޒް ޔުނިޓުންނާއި ބޭންކުގެ ވެބްސައިޓުން ލިބޭނެކަމަށް ބީއެމްއެލުން ބުނެއެވެ.
Advertisement
This content is created and paid for by advertisers and does not involve Voice Journalists
