މާލޭގެ ސްކޫލުތަކުގައި މަތީ ސާނަވީ ތައުލީމު ހާސިލުކުރާ ދަރިވަރުންގެ އަދަދު 109 ޕަސަންޓަށް އިތުރުވެފައިވާކަމަށް ތައުލީމާއި ބެހޭ ވަޒީރު ޑރ.އިސްމާއިލް ޝަފީއު ވިދާޅުވެއްޖެއެވެ.
ވަޒީރު ޝަފީއު މިފަދައިން ވިދާޅުވީ، އެނުއަލް ޖޮއިންޓް އެޑިޔުކޭޝަން ސެކްޓަރ ރިވިއު"ގެ ނަމުގައި ކުރިއަށްގެންދާ ސަމިޓު ފެށުމުގެ ރަސްމިއްޔާތުގައި ވާހަކަފުޅުދައްކަވަމުންނެވެ.
މިގޮތުން ވަޒީރު ޝަފީއު ވިދާޅުވީ، މިދިޔަ އަހަރުގެ ތެރޭގައި މަތީ ސާނަވީ ތަޢުލީމު ކިޔަވާ ދަރިވަރުންގެ އަދަދު އިތުރުކުރުމަށް ކުރިއަށް ގެންދެވުނު ޕައިލެޓް ޕްރޮގްރާމްގެ ތެރެއިން، މާލޭގެ ސްކޫލުތަކުގައި މަތީ ސާނަވީ ތައުލީމު ހާސިލުކުރާ ދަރިވަރުންގެ އަދަދު 109 ޕަސަންޓަށް އިތުރުވެފައިވާއިރު، އަތޮޅުތެރޭގައި މަތީ ސާނަވީއަށް ކިޔާ ދަރިވަރުންގެ އަދަދު 54 އިންސައްތަ މަތިކުރެވިފައިވާކަމަށެވެ.
"ޕައިލެޓް ޕްރޮގުރާމްގެ ތެރެއިން މާލޭގެ ސްކޫލްތަކުގައި ކިޔެވި ދަރިވަރުންގެ ތެރެއިން މަތީ ސާނަވީ ތަޢުލީމު ކިޔަވަން ފެށި ދަރިވަރުންގެ އަދަދު 109 އިންސައްތަ އިތުރުކުރެވިއްޖެ. އަތޮޅުތެރޭގައި 54 ޕަސެންޓް މަތި ކުރެވިއްޖެ"
ވަޒީރު ޝަފީއު ވިދާޅުވިއެވެ.
މީގެ އިތުރުންވެސް ވަޒީރު ވިދާޅުވީ، މި ޕްރޮގްރާމްގެ ދަށުން މަތީ ސާނަވީ ތަޢުލީމު ކިޔަވަން ފެށި ދަރިވަރުންގެ އަދަދު 2023 ވަނަ އަހަރާ އަޅާބަލާއިރު މިދިޔަ އަހަރު 77 އިންސައްތަ އިތުރުކަމަށެވެ.
މިއާއިއެކު، މަތީ ސާނަވީ ތަޢުލީމު ކިޔެވުމަށް ހުރި ޖާގަ އިތުރުކުރުމަށްޓަކައި ކުރެވޭ މަސައްކަތުގެ ތެރެއިން ޖާގަ އިތުރުކުރުމުގެ އައު މަސައްކަތްތަކެއް މިއަހަރު މާލޭގައި ފެށޭނެކަމަށް ކަމަށް ވަޒީރު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
