ފިއުލް ސަޕްލައި މޯލްޑިވްސް (އެފްއެސްއެމް) އިން މާލެ ސަރަހައްދުގައި ހިންގާ ޕެޓްރޯލް ޝެޑުތަކުން ފުޅި އާއި ހަމަށް ތެޔޮ އަޅައިދޭ އުސޫލަށް ބަދަލު ގެނެސްފި އެވެ.

އެފްއެސްއެމް އިން ނެރުނު ނޯޓިހެއްގައި ބުނީ، އުސޫލަށް އަމަލުކުރަން ނިންމާފައިވަނީ ކުރިއަށް އޮތް ފެބްރުއަރީ އެއްވަނަ ދުވަހުން ފެށިގެން ކަމަށެވެ.

ފުޅި އާއި ހަމަށް ތެޔޮ އަޅައިދޭ އުސޫލަށް ގެނައި ބަދަލާއެކު؛

* ކަސްޓަމަރަކަށް ފުޅީގައި ނަމަ ދުވާލަކު ދޫކުރާނީ ތިން ލީޓަރު. ފުޅިއަށް ތެޔޮ އަޅައިދިނުމަށް ނިންމާފައިވަނީ ކަސްޓަމަރުގެ އައިޑީ ކާޑު ދެއްކުމުން.

* ހަމަށް ތެޔޮ އަޅައިދިނުމަށް ހަމަޖެހިފައިވަނީ ދުވާލަކު 80 ލީޓަރު. ހަމަށް ތެޔޮ އަޅަން ބޭނުންވާނަމަ ޑިންގީ އަދި ލޯންޗުގެ ރަޖިސްޓްރީ ދައްކަންޖެހޭނެ.

އުސޫލަށް ބަދަލު ގެނައީ ސަލާމަތީ ކަންކަމަށް ރިއާޔަތް ކުރުމަށްފަހު ހިދުމަތް އަވަހަށް ފޯރުކޮށްދިނުމުގެ މަގުސަދުގައި ކަމަށް އެފްއެސްއެމް އިން ބުންޏެވެ.