ދެން ދިއްދޫއަށް ވަޑައިގަންނަވާނީ އެރަށު އެއާޕޯޓަށް އަންނަ މަތިންދާބޯޓުގައި އެއާޕޯޓް ހުޅުވަންކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ހއ.އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން ދިއްދޫއަށް ވަޑައިގެން އެރަށުގައި ބޭއްވި ޖަލްސާގައި ވާހަކަދައްކަވަމުން ރައީސް.ޑރ.މުއިއްޒު ވިދާޅުވީ، ދިއްދޫ އެއާޕޯޓްގެ ބިންހިއްކުމުގެ އަމަލީ މަސައްކަތް މިއަހަރުގެ ތެރޭގައި ފަށައި، ބިން ހިއްކުން ނިންމައި، ޝޯ ޕްރޮޓެކްޝަން ޖެހުމުގެ އިތުރުން ދެން ކުރަންޖެހޭ ކަންކަންވެސް ކުރެވިގެންދާނޭ ކަމަށެވެ. ރައީސް ވިދާޅުވީ އެ މައްސައްކަތްތައް ފަށައިގަތުމުން ދެން އެއާޕޯޓް މަޝްރޫޢު ދާނީ ބާރު ސްޕީޑެއްގައި ކުރިއަށްކަމަށެވެ.
އެގޮތުން ދެން ދިއްދޫއަށް ވަޑައިގަންނަވާނީ އެރަށަށް އަންނަ މަތިންދާބޯޓުގައި އެއާޕޯޓް ހުޅުވަންކަމަށް ރައީސް ވިދާޅުވިއެވެ. ރައީސް ވިދާލުވީ އެންމެ ފުރަތަމަ ފްލައިޓުން ދިއްދޫއަށް އަންނަ މީހުންގެ ތެރޭގައި އިދިކޮޅު ސިޔާސީފަރާތްތައްވެސް ހިމެނޭކަމަށެވެ.
ރައީސް ވިދާޅުވީ ތަރައްޤީ ގެންނަނީ އެންމެނަށް ހަމަހަމަކޮށް ކަމަށާއި، އެމަނިކުފާނުގެ ކުރިމަތީގައި ސިޔާސީ ފިކުރު މުހިއްމު ނުވާނޭކަމަށް ވިދާޅުވިއެވެ.
ރައީސް ޑރ.މުއިއްޒު ވިދާޅުވީ، އެއާޕޯޓްގެ އިތުރުންވެސް ދިއްދޫގައި ބައިނަލްއަޤްވާމީ ފެންވަރުގެ ފުޓްބޯޅަ ދަނޑެއްވެސް އަޅައިދޭނޭކަމަށެވެ.
Advertisement
This content is created and paid for by advertisers and does not involve Voice Journalists
