މަސްތުގެ ހާލަތުގައި ހުރެ މާލޭގެ މަގުމަތީގައި ހަމަނުޖެހުން ހިންގި މީހަކު ހައްޔަރުކޮށްފިއެވެ. 

ފުލުހުން ބުނީ، މާލޭގެ މުރަނގަމަގުގައި ހުންނަ ޝޮޕީޒް ފިހާރަ ކައިރީގައި މަސްތުގެ ހާލަތުގައި ހުރި މީހަކު ހަމަނުޖެހުން ހިންގާފައިވާ ކަމަށެވެ.

އަދި އެ މައްސަލަ، ރޭ ދަންވަރު 00:05 ހާއިރު، ފުލުހުންނަށް ރިޕޯޓް ކޮށްފައިވާ ކަމަށެވެ. 

Advertisement

ފުލުހުން ބުނީ އެ މައްސަލާގައި ޅ. ކުރެންދޫ / ދިލާސާގޭ، އިބްރާހިމް ޒާހީ ސުލައިމާން ހައްޔަރު ކޮށްފައިވާ ކަމަށެވެ.

މި މައްސަލައިގައި އިތުރު ތަފްސީލެއް މިވަގުތު ހާމަކޮށްފައި ނުވިނަމަވެސް، ފުލުހުން ދަނީ މި މައްސަލައިގެ ތަޙުޤީޤު ކުރިއަށް ގެންދަމުންނެވެ.