މިއަހަރު ބޭއްވުމަށް ނިންމާފައިވާ ދިވެހިރާއްޖޭގެ އުފެއްދުންތެރިކަމުގެ މައުރަޒުގައި މާލެސިޓީ ކައުންސިލުން ބައިވެރިވާން ނިންމާފައިވާކަމަށް އެ ކައުންސިލުން ބުނެފިއެވެ.
މިކަމާ ގުޅޭގޮތުން މާލެސިޓީ ކައުންސިލުން ބުނީ، މިއަދު ބޭއްވި މާލެ ސިޓީ ކައުންސިލްގެ 182 ވަނަ ރަސްމީ ޢާއްމު ޖަލްސާގައި އެކައުންސިލްގެ ފަރާތުން އުފެއްދުންތެރިކަމުގެ މައުރަޒުގައި ބައިވެރިވާގޮތަށް ނިންމާފައިވާކަމަށެވެ. މާލެސިޓީ ކައުންސިލުން ވަނީ މައުރަޒުގައި ބައިވެރިވުމާ ގުޅޭގޮތުން ބިޒުނަސް ސެންޓަރ ކޯޕަރޭޝަނާ ބައްދަލުކޮށް، ފުޅާ ދާއިރާއެއްގައި މަޝްވަރާކޮށްފައެވެ.
މާލެސިޓީ ކައުންސިލްގެ މޭޔަރުގެ ނައިބު، އަޙުމަދު ނަރީޝް ވިދާޅުވީ، ބީސީސީއާއެކު ކުރެވުނު މަޝްވަރާއިން ނިންމީ، މާލެ ސިޓީކައުންސިލަށް 15 އައިޓަމް ބައިވެރި ކުރުމުގެ ފުރުޞަތުދޭ ގޮތަށް ކަމަށާއި، މީގެ އިތުރުން ވަކިވަކިން ތަކެތި އުފައްދައި ބައިވެރިކުރުމުގެ ފުރުޞަތު އެ ކަމަށް އެދޭ ފަރާތްތަކަށް ދިނުމަށް ނިންމި ކަމަށެވެ.
މިއަދު ބޭއްވި މާލެސިޓީ ކައުްނސިލް ޖަލްސާގައި ވަނީ މަޢުރަޒުގައި ބައިވެރިކުރާނެ ތަކެތި އުފައްދަނެ ފަރާތްތައް ހޯދުމަށް މާލެ ސިޓީގައި ހިމެނޭ މާލެ، ހުޅުމާލެ، ވިލިމާލެ، ހިމޭނޭ ގޮތަށް އިޢުލާންކޮށް އެ ކަމަށް އެދޭ ފަރާތްތަކަށް އެ ފުރުޞަތުދީ އެ ފަރާތްތަކުން ހުށަހަޅާ ތަކެތި، މާލެ ސިޓީކައުންސިލުގެ ނަމުގައި ބައިބައިވެރިކުމަށް ނިންމާފައެވެ. އަދި ވަކިވަކިން ތަކެތި އުފައްދައިގެން ވަކިވަކި ފަރުދުންގެ ނަމުގައި އެ ތަކެތި މަޢުރަޒުގައި ބައިވެރިކުރުމަށް ބޭނުންފުޅުވާ ފަރާތްތަކަށް އެ ބޭފުޅުންގެ ނަމުގައި އެ ތަކެތި މަޢުރަޒުގައި ބައިވެރިކުރުމުގެ ފުރުޞަތު ދިނުމަށް ވެސް، ކައުންސިލް ޖަލްސާއިން ވަނީ ނިންމާފައެވެ.
އުފެއްދުންތެރިކަމުގެ މައުރަޒުގެ ނަމުގައި މިއަހަރު މައުރަޒެއް ބޭއްވުމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ނިންމަވާފައިވަނީ މިދިޔަ އަހަރުގެ މެއިމަހުގެ ތެރޭގައެވެ. މި މައުރަޒު ބޭއްވުމަށް ނިންމާފައިވަނީ މެއިމަހުއެވެ.
Advertisement
This content is created and paid for by advertisers and does not involve Voice Journalists
