ފާއިތުވި އަހަރު ރައްޔިތުންގެ މަޖިލީހަށް ރައީސް ޑރ މުޙައްމަދު މުއިއްޒު އިއްވެވި ރިޔާސީ ބަޔާނުގައި ވެވަޑައިގެންނެވި ވައުދުތައް ނުފުއްދަވާ, މިއަދު އާ ވައުދުތަކެއް މަތިމައްޗަށް ވެވަޑައިގެންނެވުމަކީ ގާނޫނު އަސާސީން އެމަނިކުފާނަށް މަތިކޮށްފައިވާ ޒިންމާތަކާއި މަސްއޫލިއްޔަތަށް އެމަނިކުފާނު ވެވަޑައިގެންނެވި ބޮޑު އިހުމާލެއް އަދި ކުރެއްވި ޖެއްސުމެއް ކަމުގައި އިދިކޮޅު އެމްޑީޕީގެ ރައީސް އަބްދުالله ޝާހިދު ވިދާޅުވެއްޖެއެވެ.
ރައްޔިތުންގެ މަޖިލީހުގެ އައު ދައުރު ފެށުމަށް މިއަދު ބޭއްވި ޖަލްސާގައި ރައީސް މުޢިއްޒު ރިޔާސީ ބަޔާން އިއްވަވަމުން ދަނިކޮށް އިދިކޮޅު އެމްޑީޕީން މަޖިލީހުގެ ބޭރުގައި އިހްތިޖާޖު ކޮށްފައިވާއިރު، މަޖިލީހުގެ ތަޅުމުގައި އެމްޑީޕީ މެންބަރުންވެސް ވަނީ އިހްތިޖާޖު ކޮށްފައެވެ.
އެހެންކަމުން، ރިޔާސަތުން ވަނީ އެމްޑީޕީ 9 މެންބަރެއްގެ ނަން އިއްވަވައި، މަޖިލީހުގެ ތަޅުމުން ބޭރުކުރައްވާފައެވެ.
އެކަމާއި ގުޅިގެން ނުރުހުން ފާޅުކުރައްވައި، ޝާހިދު އެކްސް ގައި ކުރެއްވި ޕޯސްޓެއްގައި ވިދާޅުވީ، މިއަދު އިދިކޮޅު މެމްބަރުން ގަދަ ބާރުން މަޖިލިހުގެ ތަޅުމުން ނެރެ, މިނިވަންކަމާއެކު އަޑު އުފުލުމުގެ ހުރިހާ ދޮރެއް ބަންދުކޮށްފައިވާ ކަމަށެވެ.
މިއަދު އިދިކޮޅު މެމްބަރުން ގަދަ ބާރުން މަޖިލިހުގެ ތަޅުމުން ނެރެ, މިނިވަންކަމާއެކު އަޑު އުފުލުމުގެ ހުރިހާ ދޮރެއް ބަންދުކޮ، އަސްކަރީ ސިފައިން ހަތިޔާރާއެކު މާލޭގެ މަގުތަކަށް ނެރެ, ރައްޔިތުން ބޮޑު ބިރުވެރިކަމެއްގައި ބައިތިއްބައިގެން ރައީސް މުއިއްޒު މިއަދު އިވެވި ރިޔާސީ ބަޔާނުން ހާމަވީ, މިސަރުކާރުން ޑިމޮކްރަސީގެ އެންމެހާ އަސާސްތަކެއް ފުނޑާލަމުން ދާކަން.
އަބްދުالله ޝާހިދު
މިއާއެކު ޝާހިދު ވިދާޅުވީ, ރައީސް މުއިއްޒުއަށް އިނދިކޮޅުގެ އަޑު ފަނޑު ކޮށެއް ނުލެވޭނެ, ކަމަށެވެ.
އަދި މިސަރުކާރު ޒިންމާދާރުކޮށް, ގާނޫނު އަސާސީ ހިމާޔަތް ކުރުމުގައި އެމްޑީޕީ ދެގޮތެއް ނުވެ ދެމި އޮންނާނެ ކަމަށްވެސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
