ރޭ މާލޭގައި މާރާމާރީ އެއް ހިންގަން އުޅުނު ކުޑަކުއްޖަކާއި ދެ މީހަކު ފުލުހުންގެ ބެލުމުގެ ދަށަށް ގެނެސްފިއެވެ. 

ފުލުހުން ބުނީ، ރޭ 20:17 ކަންހާއިރު މާލޭ ވައިލެޓް މަގު، ދޮންހުރާ ގޯޅީގައި ބަޔަކު މާރާމާރީ ހިންގަން މަސައްކަތް ކުރި މައްސަލައަކާ ގުޅިގެން ދެ މީހަކަާއި 18 އަހަރު ނުފުރޭ ކުއްޖަކު ފުލުހުންގެ ބެލުމުގެ ދަށަށް ގެނެވިފައިވާ ކަމަށެވެ. 

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ. 

Advertisement

މާލޭގައި ރޭ މާރާމާރީއެއް ހިންގާފައިވާއިރު، ހުޅުމާލޭގައިވެސް ރޭ ވަނީ މީހަކަށް ކޯރާޑީއަކުން ހަމަލާދީ މާރާމާރީ ހިންގާފައެވެ. 

އަދި މި މާރާމާރީގައި އަނިޔާވި މީހާއަށް ހުޅުމާލެ ހޮސްޕިޓަލުގައި ފަރުވާ ދިނުމަށްފަހު މިހާރު ދޫކޮށްލާފައިވާ ކަމަށްވެސް ފުލުހުން މައުލޫމާތު ދެއެވެ.

އެ މާރާމާރީ ހިންގި ކަމަށް ތުހުމަތުކުރެވޭ ދެ މީހުން ފިލައިގެން ހައިވޭއިން މާލެއަށް ދަނިކޮށް ހުއްޓުވައި ފުލުހުންގެ ބެލުމުގެ ދަށަށް ގެނެސްފައިވާ ކަމަށް ފުލުހުން ބުންޏެވެ.

އެގޮތުން މި މައްސަލައާ ގުޅިގެން ހައްޔަރުކުރެވުނު ފަރާތްތަކަކީ ހީނާމާގެ / ގދ. ފިޔޯރީ، ރުސްތުމް އިބްރާހިމް (25 އަހަރު) އަދި ބ. ގޮއިދޫ، ފިނިފެންމާގޭ ސައިފުالله ފައިޞަލް (19 އަހަރު) އެވެ.