ކުރިއަށްއޮތް ރޯދަމަހާއި، ޝައްވާލްމަހުގެ ފުރަތަމަ 7 ދުވަހު، ފިހާރަތަކާއި ކެފޭތައް ހުޅުވާފައި ބެހެއްޓޭނޭ ގަޑިތައް އިކޮނޮމިކް މިނިސްޓްރީން މިއަދު އާންމުކޮށްފިއެވެ.

މިކަމާ ގުޅޭގޮތުން އިކޮނޮމިކް މިނިސްޓްރީން ބުނީ، މިހިނގާ ފެބުރުއަރީމަހުގެ 15 ވަނަ ދުވަހުން ފެށިގެން އަދި ރަމަޟާން މަހާއި ޝައްވާލްމަހުގެ ފުރަތަމަ 7 ދުވަހު، މުދާ ވިއްކާ ތަންތަން ހުޅުވާފައި ބެހެއްޓޭނެ ގަޑިއަކީ ފަތިހު 5:30 އިން މެންދަމު 1:00 އާ ހަމަޔަށެވެ. އިކޮނޮމިކް މިނިސްޓްރީން ވަނީ މީހުން ދިރިއުޅޭ ރަށްތަކުގައި ހިންގާ މުދާ ވިއްކާ ތަންތަނުންވެސް އެގޮތަށް އަމަލުކުރުމަށް އެދިފައެވެ.

ރޯދަ މަހު ކެފޭ ރެސްޓޯރެންޓުތައް ހުޅުވާފައި ބެހެއްޓޭނެ ގަޑިއެއްގެ ގޮތުގައި ކަނޑައަޅާފައިވަނީ، ހަވީރު 5:30 އިން މެންދަމު 3:00 ގެ ނިޔަލަށެވެ. ކޮންމެ އަހަރެއްގެވެސް ރޯދަމަހު ފިހާރަތަކާއި ކެއިން ބުއިމުގެ ހިދުމަތްދޭ ތަންތަން ހުޅުވާފަ ބެހެއްޓޭނޭ ގަޑިތައް އިކޮނޮމިކް މިނިސްޓްރީން އާންމުކުރެއެވެ.

Advertisement