މައްޗަންގޮޅި ޕީޓްރަލް ސަރަހައްދުގައި ހުރި 35 އަހަރުވީ ގަހެއް ކަނޑާލަން މާލެ ސިޓީ ކައުންސިލުން ނިންމައިފިއެވެ.

މައްޗަންގޯޅި ސަހަރާ ކައިރީގައި ހުންނަ ޕެޓްރޯލް ޕާކުގެ އަރިމަތީގައިއެ ނކަގަސް ހުންނަތާ މިހާރު 35 އަހަރަށް ވުރެ ގިނަ ދުވަސް ވެއްޖެއެވެ. އެ ގަސް ކަނޑާލުމަށް ނިންމާފައިވަނީ ނިކަގަހުގެ މޫތަކުގެ ސަބަބުން އެހިސާބުގައި ހުރި އިމާރާތްތަކަށް ގެއްލުންވަމުންދާތީކަމަށް ސިޓީ ކައުންސިލުން ބުނެއެވެ.

އެންވަޔަރަންމަންޓަލް ޕްރޮޓެކްޝަން އެޖެންސީ (އީޕީއޭ) އިން ވަނީ އެގަސް ކަނޑާލަން ހުއްދަ ދީފަ އެވެ. އެ އިދާރާގެ ޑިރެކްޓަރު ޖެނެރަލް އިބްރާހިމް ނައީމް ސޮއިކުރެއްވި ސިޓީއެއްގައި ވިދާޅުވެފައި ވަނީ އިސްކަންދަރުމަގާއި ދެވިނަމަގު ގުޅޭ ހިސާބުގައި ގަސް ކެނޑުމާ މެދު އީޕީއޭގެ އިއުތިރާޒެއް ނެތް ކަމަށެވެ.

Advertisement

އީޕީއޭގެ ސިޓީގައި ވަނީ ނިކަގަހުގެ ބައިތައް މާލެ ސިޓީގެ އެހެން ތަންތަނުގައި އިންދުމަށް ލަފާދީފައެވެ. އަދި އެކަން ނުކުރެވޭނަމަ ބަދަލުގައި އިތުރު ދެގަސް އިންދުމަށްވެސް ވަނީ ލަފާދީފައެވެ. އަދި އެ މަރުހަލާގެ ފޮޓޯތަކާއި ވީޑިއޯތައް އީޕީއޭއާ ހިއްސާ ކުރުމަށްވެސް ވަނީ އަންގާފައި ވެއެވެ.