މިނިސްޓަރ އޮފް ޓޫރިޒަމް އެންޑް އެންވަޔަރަންމަންޓްގެ މަގާމަށް ޠާރިޤު އިބްރާހީމް އައްޔަން ކުރެއްވުމަށް ރުހުން ދެއްވުމަށް ރައީސް ޑރ. މުހައްމަދު މުއިއްޒު، މަޖިލީހަށް ހުށަހަޅުއްވައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވަނީ މިނިސްޓަރު ތޯރިގަށް ރުހުން ހޯދުމަށް ރައީސް ޑރ. މުހައްމަދު މުއިއްޒު ފޮނުއްވި ސިޓީ މަޖިލީހަށް ހުށަހަޅާފަ އެވެ. އެ މައްސަލަ މުރާޖައާ ކުރުމަށް ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީއަށް ވަނީ ފޮނުވާފައެވެ.
ޠާރިޤު ޓޫރިޒަމް އެންޑް އެންވަޔަރަންމަންޓް މިނިސްޓްރީއަށް އައްޔަން ކުރެއްވީ މިނިސްޓަރ އޮފް ޓޫރިޒަމްގެ މަގާމުން އިބްރާހިމް ފައިސަލް ވަކިކުރުމަށްފަހުއެވެ. ޠާރިޤު މި މަގާމަށް އައްޔަން ކުރެއްވީ ފެބްރުއަރީ މަހުގެ 2 ވަނަ ދުވަހު އެވެ.
އެ މަގާމަށް އައްޔަންކުރެއްވުމާ އެކު، މަޖިލީހުން ރުހުން ދިނުމަށް އިތުރު ތިން މިނިސްޓްރީއެއް އަލުން އެކުލަވާލުމަށްވެސް ރައީސް ވަނީ ހުށަހެޅުންތައް ފޮނުއްވާފަ އެވެ. އޭގެ ތެރޭގައި މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ، އަދި މިނިސްޓްރީ އޮފް ހެލްތު ހިމެނެއެވެ.
Advertisement
This content is created and paid for by advertisers and does not involve Voice Journalists
