މިއަހަރުގެ ރަމަޟާންމަހުގެ އިނާޔަތް މިމަހުގެ 20 ގެ ކުރިން ދީ ނިންމުމަށް ސަރުކާރުގެ އިދާރާތަކަށް އަންގައިފިއެވެ.

މާލީ ކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާއިން ނެރުނު ސާކިއުލާއެއްގައި ބުނީ، ވަޒީފާ އަދާކުރާ ކޮންމެ މުސްލިމް މުއައްޒަފަކަށް ޤާނޫނުގައި ދިނުމަށް އަންގާފައިވާ 3،000 ރުފިޔާގެ އިނާޔަތް އަންނަ ހަފްތާގެ ބްރާސްފަތިދުވަހުގެ ކުރިން ދީ ނިންމަން ޖެހޭނޭ ކަމަށެވެ. މާލީ ވުޒާރާއިން 20 ވަނަ ދުވަހުގެ ކުރިން ރޯދަ އިނާޔަތުގެ ފައިސާ ދިނުމަށް ހަމަޖެހިފައިވާތީ، މިމަހުގެ 18 ވަނަ ދުވަހުގެ ކުރިން އެ ފައިސާ ޕަބްލިކް އެކައުންޓިން ސިސްޓަމަށް އަޕްލޯޑުކުރަން ޖެހޭނޭކަމަށެވެ.

މާލީ ވުޒާރާއިން އަންގާފައިވަނީ ރޯދަމަސް ފެށޭއިރު "ޕޭ ލީވް"އަދި "ނޯ ޕޭ ލީވް" ގައި ތިބޭ މުއައްޒަފުންނަށް ރޯދަ އެލަވަންސް ނުދޭން އަންގާފައެވެ. އަދި އެފަދަ މުއައްޒަފަކަށް އިނާޔަތް ދޭނީ އޭ މުއައްޒަފަކު ރޯދަމަހު ވަޒީފާއަށް ނިކުންނަ ދުވަހަށް ބަލައިގެން ޖެހޭ ނިސްބަތަށެވެ.

Advertisement

މިފަހަރުގެ ރަމަޟާންމަހުގެ ފުރަތަމަ ދުވަސްކަމަށް ކަމަށް ކަލަންޑަރުގައި ބުނެފައިވަނީ، އަންނަ މަހުގެ އެއްވަނަ ދުވަސްކަމަށެވެ.