މަަޝްހޫރު ލަވަކިޔުންތެރިޔާ މުހައްމަދު މާޖިދު (މެޒޯ) މުހައްމަދު ކުއްލި ގޮތަކަށް ނިޔާވެއްޖެ އެވެ.

މެޒޯ ނިޔާވީ މީގެ ކުޑައިރުކޮޅެއްގެ ކުރީން އައިޖީއެމްއެޗް ހޮސްޕިޓަލްގަ އެވެ. ނިޔާވީ ހާޓް އެޓޭކެއް ޖެހިގެން ކަމަށް ވޮއިސްއަށް އެނގިފައިވެ އެވެ.

އުމުރުން 60 އަހަރުގެ މެޒޯ އަކީ ރާއްޖޭގައި އުފެދުނު އެންމެ ކުޅަދާނަ އެއް މިއުޒިޝަނެވެ. މެޒޯގެ މިިއުޒިކީ އުފެއްދުންތަކާއި އޭނާގެ ލަވަތަކަށް އާންމުންގެ ވަރަަށް ބޮޑު ތަރުހީބެއް ލިބިފައިވެ އެވެ. އަދި އޭނާ އަކީ މިއުޒިކުގެ ވަރަށް ގިނަ އިންސްޓްރޫމަންޓްތައް މޮޅަށް ކުޅުނު ފަންނާނެކެވެ. ޑްރަމް އަދި ގިޓާ ކުޅުމުގައި ވަރަށް ބޮޑަށް ފާހަގަ ކޮށްލެވުނެވެ.

Advertisement

މެޒޯގެ އެންމެ މަޝްހޫރުވި އެއް ލަވަ އަކީ “އުނޑުން ތަރިތައް” މި ލަވަ އެވެ. މިއީ މަޝްހޫރު އެމްޓީވީން ދެއްކި ފުރަތަމަ ދިވެހި ލަވަ އެވެ.

އެ ލަވާގައި މެޒޯ ވެސް ފެނިގެން ދެ އެވެ. މެޒޯ ކުއްލި ގޮތަކަށް ނިޔާވިއިިރު މިދިޔަ އަހަރުގެ ރޯދަ މަހަށް ހާއްސަކޮށް ޓީވީން ދެއްކި ހާއްސަ ޝޯއެއްގައި ވެސް މުހައްމަދު ބައިވެރިވެފައިވެ އެވެ. މެޒޯގެ އަންހެން ދަރިފުޅު މީރާ މުހައްމަދު މާޖިދަކީ ވެސް މޮޅު ލަވަކިޔުންތެރި އެކެވެ.

ވަރަށް ގިނަ އަމިއްލަ ރާގުތައް ވެސް އުފެއްދި މެޒޯ މޯޑަށް ދައުލަތުން ވަނީ ގައުމީ އިނާމު ވެސް ދީފަ އެވެ. 

ވަރަށް ގިނަ އަމިއްލަ ރާގުތައް ވެސް އުފެއްދި މެޒޯ ނިޔާވުމާއި ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ތައުޒިޔާ ވިދާޅުވެފަ އެވެ.