ކުޅަދާނަ މިއުޒީޝަން އަދި ލަވަކިޔުންތެރިޔާ މުޙައްމަދު މާޖިދު (މެޒޯ މުޙައްމަދު) ނިޔާވުމާ ގުޅިގެން މެޒޯ މޯޑުގެ އާއިލާއަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ތައުޒިޔާ ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ރައީސް ޑރ.މުއިއްޒު ވިދާޅުވީ، މެޒޯ މުހައްމަދު، ފަންނާއި މުނިފޫހިފިލުވުމުގެ ދާއިރާއަށް 45 އަހަރަށް ވުރެ ދިގު މުއްދަތަކަށް ޚިދުމަތް ކުރައްވައިވާކަމަށެވެ. އަދި އޭނާއަކީ ދިވެހި އަމިއްލަ ފަންނީ ބައެއް އުފެއްދުން އުފެއްދުމުގައި ވެސް މަޤްބޫލު ހުނަރުވެރިކަަމެއް ދައްކަވާފައިވާ ފަންނާނެއްކަމަށް ރައީސް ފާހަގަކުރެއްވިއެވެ.
ރައީސް ޑރ.މުއިއްޒު ވަނީ، މުޙައްމަދު މާޖިދު (މެޒޯ މުޙައްމަދު) ނިޔާވުމުގެ ހިތާމައިގައި، އެ މަރުޙޫމްގެ ޢާއިލާއަށް ތަޢުޒިޔާ ރައްދުކޮށްފައެވެ.
މެޒޯ ނިޔާވީ މިއަދު މެންދުރުފަހުގެ ވަގުތެއްގައި އައިޖީއެމްއެޗް ހޮސްޕިޓަލްގަ އެވެ. ނިޔާވީ ހާޓް އެޓޭކެއް ޖެހިގެން ކަމަށް ވޮއިސްއަށް އެނގިފައިވެ އެވެ.
އުމުރުން 57 އަހަރުގެ މެޒޯ އަކީ ރާއްޖޭގައި އުފެދުނު އެންމެ ކުޅަދާނަ އެއް މިއުޒިޝަނެވެ. މެޒޯގެ މިިއުޒިކީ އުފެއްދުންތަކާއި އޭނާގެ ލަވަތަކަށް އާންމުންގެ ވަރަަށް ބޮޑު ތަރުހީބެއް ލިބިފައިވެ އެވެ. އަދި އޭނާ އަކީ މިއުޒިކުގެ ވަރަށް ގިނަ އިންސްޓްރޫމަންޓްތައް މޮޅަށް ކުޅުނު ފަންނާނެކެވެ. ޑްރަމް އަދި ގިޓާ ކުޅުމުގައި ވަރަށް ބޮޑަށް ފާހަގަ ކޮށްލެވުނެވެ.
Advertisement
This content is created and paid for by advertisers and does not involve Voice Journalists
