މުހައްމަދު މާޖިދު، މެޒޯ މުހައްމަދަކީ ރާއްޖެ ޑިމޮކްރަސީއަށް ކުރި ދަތުރުގެ ހިއްސާދާރެއްކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

މެޒޯ މުހައްމަދު ނިޔާވުމާ ގުޅިގެން ރައީސް ނަޝީދު ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ، މެޒޯ މުހައްމަދަކީ އެމަނިކުފާނުގެ އެންމެގާތް ރަހުމަތްތެރިންގެ ތެރޭގައި ހިމެނޭ މީހެއްކަމަށެވެ. އަދި މެޒޯ މުހައްމަދަކީ އެމަނިކުފާނުގެ އާްމު މަސައްކަތްތަކުގެ ބޮޑު ބައިވެރިއެއްވެސް ކަމަށެވެ.

އަދި ހަމަ އެހެންމެ މެޒޯ މުހައްމަދަކީ ރާއްޖެ ޑިމޮކްރަސީއަށް ކުރި ދަތުރުގެ ހިއްސާދާރެއްކަމަށްވެސް ރައީސ ްނަޝީދުގެ ޕޯސްޓްގައި ވިދާޅުވިއެވެ. 

މެޒޯ މުހައްމަދަކީ ރާއްޖެއަށް އިސްލާހީ ބަދަލުތައް ގެނައި ދުވަސްވަރުން ފެށިގެން މިއަދާހަމަޔަށްވެސް ސިޔާސީ މައިދާނުގައި އެއިރެއްގެ ހާލަތާ ގުޅޭގޮތުން ހިޔާލުތައް ފާޅުކުރުމުގައި ޖެހިލުންކުޑަ ޝަހްސިއްޔަތެކެވެ.

މެޒޯ މުހައްމަދު ނިޔާވުމާ ގުޅިގެން އެމްޑީޕީގެ ޗެއާޕާސަން ފައްޔާޒް އިސްމާއީލްވެސް ވަނީ ތައުޒިޔާ ވިދާޅުވެފައެވެ. އެކްސްގައި ފައްޔާޒް ކުރެއްވި ޕޯސްޓުގައި ވިދާޅުވީ، މުޙައްމަދު މާޖިދު (މެޒޯ މުޙައްމަދު) އަކީ ރާއްޖޭގެ އިސްލާހީ ހަރަކާތުގައި އަގުހުރި ހިދުމަތްތަކެއް ކޮށްދެއްވި މުހިންމު ބައިވެރިއެއްކަމަށެވެ. އަދި ރާއްޖޭގެ މިއުޒިކް އިންޑަސްޓްރީއަށް ގިނަގުނަ ހިދުމަތްތަކެއް ކޮށްދެއްވާފައިވާ ހުނަރުވެރި މިއުޒިޝަނެއްކަމަށެވެ.

މެޒޯ ނިޔާވީ މިއަދު މެންދުރުފަހުގެ ވަގުތެއްގައި އައިޖީއެމްއެޗް ހޮސްޕިޓަލްގަ އެވެ. ނިޔާވީ ހާޓް އެޓޭކެއް ޖެހިގެން ކަމަށް ވޮއިސްއަށް އެނގިފައިވެ އެވެ.