ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ ރައީސް ކަމުން ހަމްދީ އަގީލް ވަކިކޮށްފިއެވެ. 

ހަމްދީ ވަކިކުރިކަން ސަރުކާރުން ކަށަވަރުކޮށްދިން ނަމަވެސް އޭނާ މަގާމުން ވަކިކުރި ސަބަބެއް ހާމަކޮށްފައި ނުވެއެވެ. 

ޕީސީބީ އަކީ ދައުލަތުގެ ވިޔަފާރި ތަންތަން ޕްރައިވެޓައިޒް ކުރުމާއި ކޯޕަރަޓައިޒް ކުރުމާއި ސަރުކާރުގެ ކުންފުނިތައް މޮނީޓާކުރުމުގެ ބޭނުމުގައި ގާނޫނުން އުފައްދާފައިވާ ބޯޑެކެވެ. 

Advertisement

ޕީސީބީގެ ބޯޑަށް ރައީސް ޑރ. މުޙައްމަދު މުޢިއްޒު ހަމްދީ ޢައްޔަންކުރެއްވީ 2023 ވަނަ އަހަރުގެ ނޮވެމްބަރ މަހުގެ 22 ވަނަ ދުވަހުގައެވެ. 

ހަމްދީ މީގެ ކުރިން ވަނީ  މޯލްޑިވްސް ރޯޑް ކޯޕަރޭޝަން އަދި ފިއުސް ސަޕްލައިސް މޯލްޑިވްސް ކުންފުނީގެ އެމްޑީގެ މަގާމު އަދާކުރައްވާފައެވެ.