ކުރިއަށް އޮތް ރަމަޟާން މަހާއި، 6 ރޯދައިގައި މޯލްޑިވްސް މަނިޓަރީ އޮތޮރޮޓީ (އެމްއެމްއޭ) ހުޅުވާފައި ހުންނާނެ ގަޑިތައް އިއުލާން ކޮށްފިއެވެ.

އެމްއެމްއޭއިން ކުރި އިއުލާނުގައި ބުނީ، ރޯދަމާހާއި ހަ ރޯދައިގައި އެ އޮތޯރިޓީ ހުޅުވާފައި ހުންނާނީ ހެނދުނު 9:00 އިން މެންދުރު 01:00 އަށް ކަމަށެވެ.

އަދި ރަމަޟާން މަހުގެ ފަހު ދިހައަކީ ސަރުކާރު ބަންދު ދުވަސް ތަކެއް ކަމަށް ވުމުން ފަހު ދިހައެއްގައި އެ އޮތޯރިޓީ ހުޅުވާނީ މާރިޗު މަހުގެ 27 އަދި 29 ވަނަ ދުވަހުގައި ކަމަށްވެސް ބުންޏެވެ. 

އަދި އެ ދުވަސްތަކުގައި ބޭންކިންގ ޚިދުމަތްތަކާއި، ސިޓީ އާއި އެފަދަ ތަކެތި ބަލައި ގަނެވޭނީ  ހެނދުނު 9:30 އިން މެންދުރު 12:00 އަށް ކަމަށްވެސް ބުންޏެވެ. 

ކަލަންޑަރގައި ވާގޮތުން މި އަހަރުގެ ރަމަޟާން މަހުގެ ފުރަތަމަ ދުވަހަކީ މީލާދީ ގޮތުން މާރިޗު މަހުގެ 1 ވަނަ ދުވަހެވެ.