އައްޑޫ ސިޓީގެ ކަރަންޓުގެ، މައްސަލަ ހައްލު ކުރުމަށް އަދުގެ ސަރުކާރުން އެކަށީގެންވާ މަސައްކަތެއް ކުރާތަން ނުފެންނަ ކަމަށް އެމްޑީޕީގެ ރައީސް އަބްދުالله ޝާހިދު ވިދާޅުވެއްޖެއެވެ. 

އަައްޑު ކަރަންޓް މައްސަލައަށް ހައްލެއް ނުލިބި، އަދިވެސް ދޭތެރެއިން އެ ސިޓީގެ އަވަށްތަކުން ކަރަންޓްގެ ޚިދުމަތް މެދުކެނޑި އާއްމުން ކަންބޮޑުވުންފާޅުކުރާއިރު، އެކަމާ އެކަމާއި ގުޅިގެން، ޝާހިދު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، އައްޑޫ ސިޓީގެ ކަރަންޓާއި، ފެނާއި، ނަރުދަމާގެ ޙާލަތު އޮތީ ވަރަށް ނާޒުކު ފައްތަރެއްގައި ކަމަށެވެ.

ޝާހިދު އިތުރަށް ވިދާޅުވީ، އައްޑޫއަކީ މާލެ ފިޔަވައި ރާއްޖޭގެ އެންމެ ބޮޑު އާބާދީ އޮތް ސިޓީ ކަމަށްވާއިރު، މިކަން ޙައްލުކުރުމަށް ސަރުކާރުން ޚާއްޞަ ޕްލޭންތަކެއް އެކުލަވާލައި، އަވަސް ޙައްލެއް ހޯދައިދޭން ޖެހޭ ކަމަށާ، މައްސަލަ ޙައްލުނުވެ ދިގުލައިގެންދާ ދިޔުމުން، ސަރުކާރުން މިކަމަށް ދޭންޖެހޭ ސަމާލުކަން ދެއްވާކަމަކަށް ޤަބޫލެއް ނުކުރެވޭ ކަމަށެވެ. 

‏އަދި ރަމަޟާން މަހު ކަރަންޓުގެ އަސާސީ ޙައްޤުން އައްޑޫ ރައްޔިތުން މަޙްރޫމްނުކޮށް، ދަތިޙާލު ނުޖައްސައި، ރޯދައިގެ ކުރިން އައްޑޫ ސިޓީގެ ކަރަންޓުގެ މައްސަލައަށް ދާއިމީ ޙައްލެއް ގެނައުމަށް ޝާހިދު ވަނީ ސަރުކާރަށް ގޮވާލާފައެވެ.