ފުޓްބޯލް އެސޯސިއޭޝަން އޮފް މޯލްޑިިވްސް (އެފްއޭއެމް) ނޯމަލައިޒިން ކޮމިޓީގެ ޗެއާމަނަކަށް ހަަމަޖެއްސި، އަހުމަދު ޒުހޫރު މަގާމުން ވަކިކޮށްފި އެވެ.
އެފްއޭއެމަށް ފީފާއިން މިދިޔަ އޯގަސްޓް މަހު އައްޔަން ކުރި ކޮމިޓީގެ ޗެއާމަންގެ މަގާމުގައި ހުންނެވި ޒުހޫރަށް މަގާމު ގެއްލުނީ އެ ކޮމިޓީގެ މެންބަރުންގެ އަދަދު ދަށް ކުރަން ފީފާއިން ނިންމުމުންނެވެ. އެގޮތުން، ކުރިން ފަސް މެންބަރުން އައްޔަން ކުރި ކޮމިޓީގެ އަދަދު ތިނަކަށް ދަށް ކުރުމަށް ފީފާއިން ވަނީ ނިންމައިފަ އެވެ.
ޒުހޫރު ވަކިކުރުމަށްފަހު، ފީފާއިން ވަނީ ނޯމަލައިޒޭޝަން ކޮމިޓީގެ އާ ޗެއާމަނަކަށް ކުރީގެ ޕްރޮސިކިއުޓަރ ޖެނަރަލް އަހްމަދު މުއިއްޒު، އައްޔަން ކޮށްފައެވެ.
އެ ކޮމިޓީގެ މެމްބަރެއްގެ ގޮތުގައި ހުރި އަހުމަދު އަލީވެސް އިއްޔެ ވަނީ މަގާމުން އިސްތިއުފާ ދެއްވާފަ އެވެ.
އެހެންކަމުން، އެފްއޭއެމް ނޯމަލައިޒިން ކޮމިޓީގައި މިހާރު ތިއްބެވީ، ކުރީގެ ޕްރޮސެކިއުޓާ ޖެނަރަލް، އަހުމަދު މުއިއްޒާއި، ބެންކް އޮފް މޯލްޑިވްސް (ބީއެމްއެލް)ގެ ކުރީގެ ޗެއާޕާސަން ފަރީހާ ޝަރީފްގެ އިތުރުން، ގާނޫނީ ވަކީލު އިސްމާއީލް ސިމަން އެވެ.
ފީފާއިން އައްޔަން ކުރި ނޯމަލައިޒޭޝަން ކޮމިޓީގެ މުއްދަތުގެ ގޮތުގައި އެ ފެޑެރޭޝަނުން ދީފައި ވަނީ އެއް އަހަރު ދުވަހެވެ. ކޮމިޓީގެ ދައުރު ހަމަވާނީ އަންނަ ޖުލައި 31 ގެ ނިޔަލަށެވެ.
Advertisement
This content is created and paid for by advertisers and does not involve Voice Journalists
