މަރުވާމީހާގެ މަރާމެދު ކަންބޮޑުވެ ވިސްނާގޮތަށް، އަމިއްލަ މީހާގެ މަރާމެދުވެސް އެބީދައިން ވިސްނަންޖެހޭކަމަށް ދީނީ އިލްމުވެރިޔާ ޑރ.އާދަމް ޝަމީމް ވިދާޅުވެއްޖެެވެ.

އަލް-އަސްރުން އިންތިޒާމް ކޮށްގެން ހުޅުމާލެ ފޭސް ދޭއްގެ ރުށްގަނޑު ސަރަހައްދުގައި "ފުރުސަތު" މި މައުލޫގެ ދަށުން ބޭއްވި ދަރުހުގައި ވާހަކަދައްކަވަމުން ޑރ.ޝަމީމް ވަނީ، ދުނިޔޭގައި އުޅުމަށް ލިބިފައިވާ ފުރުސަތުގެ ބޭނުން އެންމެ ރަނގަޅަށް ހިފުމާބެހޭގޮތުން ދީނީގޮތުން އެކަންކަން އޮންނަގޮތުގެ މައްޗަށް އަލިއަޅުވާލައްވައި ވާހަކަދައްކަވާފައެވެ.

މަރުވާ މަރުވެދާ މީހާގެ ކަންކަމާމެދު އަޅުގަނޑުމެން އެންމެންވެސް ވަރަށް ކަންބޮޑުވެ ވާހަކަދައްކާ ކަމަށާއި، އަޅުގަނޑުމެން ދިރިހުރިމީހާގެ ނަފްސާމެދު ވިސްނާނީ ކޮންއިރަކުކަމާމެދު ޝަމީމް ވަނީ ސުވާލު ކުރައްވާފައެވެ. ދީނީ އިލްމުވެރިޔާ ޑރ.ޝަމީމް ވިދާޅުވީ މީހާގެ ފުރާނަ ދިއުމަށްފަހު ﷲ ގެ ހަޟްރަތަށް އެވަގުތުންފެށިގެން ދަތުރުކޮށް އޭނާގެ ހިސާބު ބައްލަވަން ފެށުނީ ކަމަށައި، ދިރިތިބީންނަށް ދެން ކޮށްދެވޭނެ ކަމަކަށް އޮންނާނީ ސަދަގާތެއްކޮށް ހެޔޮދުއާ ކޮށްދިނުންކަމަށެވެ. 

"ފުރުސަތު" މި މައުލޫގެ ދަށުން ބޭއްވި ދަރުސް.. 

ޝަމީމް ވިދާޅުވީ މަރުއައިސް އެމީހަކާ ބައްދަލުކުރުމުން ދެން ހެދޭނެ އެއްވެސްގޮތެއް ނޯންނާނެ ކަމަށާއި، މަރު އެމީހަކަށް ރަހްމް ނުކުރާނޭކަމަށެވެ. މާތް ﷲގެ ހަޟްރަތުގައި ވަކި މީހަކު މަރުވުމަށް ހާއްސަ ކަމެއް ނޯންނަކަން ފާހަގަކުރައްވައި ޝަމީމް ވިދާޅުވީ، ރސޫލު ބޭކަލުން ފިޔަވައި އެހެން އެއްވެސް ނަފްސަކަށް މަރުއައިސް އެމީހަކާ ބައްދަލުކުރުމުން އިތުރު މުހުލަތެއް ނުދެއްވޭނެ ކަމަށާއި އެއީ އެއީ މާތް ﷲގެ ނިޔާކަމަށެވެ.

ރޭގެ ދަރުޝް އަޑުއެހުމަށް ގިނަ އަދަދެއްގެ ބަޔަކު ހުޅުމާލެ ފޭސް ދޭއްގެ ރުއްގަނޑު ސަރަހައްދަށް ޖަމާވެފައިވާއިރު، ގިނަބަޔަކު ވަނީ މީޑިއާގެ ވަސީލަތްތައް މެދުވެރިކޮށް ދަރުސް އަޑުއަހާފައެވެ. މިއީ އަލް -އަސްރުން، އެޗްޑީސީ އާއި އިސްލާމިކް މިނިސްޓްރީއާއި ގުޅިގެން ބޭއްވި ދަރުހެކެވެ. މީގެ ކުރިންވެސް ޑރ.ޝަމީމްގެ ދަރުހެއް ހުޅުމާލޭގައި ވަނީ ބައްވާފައެވެ.