ކުރިއަށްއޮތް ރޯދަމަހު ބާޒާރުގައި ތަކެތީގެ އަގުބޮޑުވިޔަ ނުދޭނޭކަމަށާއި، ސަރުކާރުން ދަނީ އެކަމަށް ފުރިހަމަޔަށް ތައްޔާރުވަމުންކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
ރައްޔިތުންގެ ސުވާލުތަކަށް ވަޒީރުން ޖަވާބުދާރީވުމުގެ ގޮތުން މިރޭ ކުރިއަށްގެންދިޔަ އަހާ ފޯރަމްގައި ރައްޔިތަކު ކުރި ސުވާލަކަށް ޖަވާބުދެއްވަމުން އިގްތިސާދީ ވަޒީރު ވިދާޅުވީ، މި ފަހުގެ ތާރީހެއްގައި މިދިޔަ އަހަރުގެ ރޯދަމަސް ފާހަގަކުރެވިފައިވަނީ އެއްޗެހީގެ އަގުތައް ބޮޑުނުވެ އަތްފޯރާފަށުގައި އެއްޗެހި ގަންނަން ލިބުނު ފަހަރެއްގެ ގޮތުގައި ކަމަށެވެ. އެގޮތުން ވަކިވަކި އައިޓަމްތައް ދަތިނުވެ ބާޒާރުން ގަންނަން ލިބުމާއި އަގުތައް ބޮޑުނުވެ އެއް ހަމައެއްގައި ހިފެހެއްޓިފައިވާކަން މިނިސްޓަރު ފާހަގަކުރެއްވިއެވެ.
ސައީދު ވިދާޅުވީ މިފަހަރުގެ ރޯދަމަހުވެސް އަގުތައް ބޮޑުވިޔަނުދިނުމަށް ސަރުކާރާއި ވިޔަފާރިތައް ގުޅިގެން މަސައްކަތް ފަށާފައިވާކަމަށާއި އެގޮތުން ގޭބިސީތަކުގައި އެންމެ އާއްމުކޮށް ބޭނުންކުރާ ތަކެތި ދެނެގަނެ، އެ އެއްޗެހި ހެޔޮއަގުތަކެއްގައި ހުސްނުވެ ލިބޭނޭ އިންތިޒާމުތައް ޤާއިމްކުރުމުގެ މަސައްކަތްކުރިއަށްދާކަމަށެވެ. އެގޮތުން ގޭބިސީތަކުގައި އާއްމުކޮށް ބޭނުންކުރާ 183 ބާވަތެއްގެ ދެނެގަނެ، ރަމަޟާންމަހަށް އާއްމުކޮށް ބޭނުންކުރާނެ 54 ބާވަތެއްގެ ލިސްޓެއް ހަދައި ހުސްނުވެ އެތަކެތި ލިބޭނޭ އިންތިޒާމް ހަމަޖެއްސުމަށް މަސައްކަތްކުރަމުންދާކަމަށެވެ.
އަހާ ފޯރަމްގެ ތެރެއިން.. ފޮޓޯ: ރައީސް އޮފީސް
މިނިސްޓަރު ވިދާޅުވީ ރީދަމަހު ބާޒާރުގައި ދިވެހިން އެންމެ އާއްމުކޮށް ބޭނުންކުރާ ކާބޯތަކެތީގެ އަގުތައް ބޮޑުވިޔަދިނުމުގެ ފުރުސަތު ނުދޭނޭކަމަށާއި މުދާ އަގުބޮޑުކުރުމުގެ މައްސަލައެއް އުޅޭނަމަ އެކަން ބަލައި، ހަމަޖެހިފައިވާ އުސޫލުގެ ދަށުން ފިޔަވަޅު އަޅާނޭކަމަށެވެ.
އަޅުގަނޑުމެންގެ ޓާގެޓަކީ އެއްޗެއްގެ އަގުބޮޑުވާ މައްސަލަ އައިސްފިނަމަ ހަމަ ވަގުތުން އެކަމެއް ބެލުން. އަޅުގަނޑުގެ އިލްތިމާސްއަކީ ރަމަޟާންމަހާ ގުޅިގެން އެއްވެސް ވިޔަފާރިއަކުން އަސާސީ މުދަލުގެ ގޮތުގައި ބޭނުންކުރާ އެއްވެސް މުދަލެއްގެ އަގުބޮޑުނުކުރުން
އިގްތިސާދީ ވަޒީރު ސައީދު ވިދާޅުވިއެވެ
މިނިސްޓަރު ވިދާޅުވީ ބާޒާރުގައި ކާށީގެ އަގުބޮޑުވުމުން އެސްޓިއޯއިން ކާށިގެނެސް މިހާރު ވިއްކަން ފަށާފައިވާކަމަށާއި، ހަމަ އެގޮތަށް ފިޔާ ފަދަ ބާވަތްތައް ބޭރުންގެނެސް ހެޔޮއަގުގައި ވިއްކަމުންދާނޭކަމަށާއި، އެއްޤައުމުން ނުލިބިއްޖެނަމަ އަނެއްޤައުމުން ނަމަވެސް އެއެއްޗެހި އެތެރެކޮށް ވިއްކަމުންދާނޭކަމަށެވެ. މިގޮތުން ކަނޑުމަގުން އެއްޗެއް ނުގެނެވިއްޖެނަމަ ވައިގެ މަގުންނަމަވެސް އެ އެއްޗެއް ގެންނާނޭކަމަށް މިނިސްޓަރު ސައީދު ވިދާޅުވިއެވެ.
ކޮންމެ އަހަރެއްގެވެސް ރަމަޟާންމަސް ފާހަގަވެގެންދަނީ ބާޒާރުގައި ވިއްކާ ކާބޯތަކެތީގެ އަގުތައް މައްޗަށްދާ މަހުގެ ގޮތުގައެވެ. ސަރުކާރުން ވަނީ ބާޒާރުގައި ތަކެތީގެ އަގުބޮޑުކުރަންޖެހޭ ފަދަ މައްސަލައެއް ދިމާވެއްޖެނަމަ ވިޔަފާރިތަކުން، ސަރުކާރުގެ ކަމާބެހޭ އިދާރާތާތަކަށް އެކަމެއް ހިއްސާކުރަން އެދިފައެވެ.
Advertisement
This content is created and paid for by advertisers and does not involve Voice Journalists
