ރާއްޖޭގެ އެކި ކަންކޮޅުތަކުގައި ހުރި މިސްކިތްތައް މަރާމާތުކޮށް އާބާތުރަ ފިލުވުމަށް "އާބާތުރަ 1446" ގެ ނަމުގައި އެހީ ޖަމިއްޔާއިން ކުރިއަށް ގެންދާ ޕްރޮޖެކްޓަށް އެހީވުމުގެ ފުރުސަތު އާއްމުންނަށް ހުޅުވާލައިފިއެވެ.

އެހީ ޖަމިއްޔާއިން ފޭސްބުކުގައި ކުރި ޕޯސްޓެއްގައި ބުނެފައިވަނީ މި މަޝްރޫޢު ކުރިއަށް ގެންދިއުމަށް ރައްޔިތުންގެ އެހީތެރިކަން ބޭނުންވާ ކަމަށެވެ. އަދި މިއީ އެންމެން އެކުގައި ރަމަޟާން މަހަށް ތައްޔާރުވުމަށްޓަކައި ކުރެވިދާނެ ކަމެއް ކަމަށް ފާހަގަކޮށްފައިވެއެވެ.

އެގޮތުން، މި ޕްރޮޖެކްޓަށް ފައިސާގެ އެހީ ފޯރުކޮށްދިނުމަށް ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމަށް އެހީ ޖަމިއްޔާއިން އެދެއެވެ.

އެހީ ޖަމިއްޔާއިން ވަނީ ފައިސާ ޓްރާންސްފަރ ކުރާއިރު ރިމާކްސްގައި "މިސްކިތް" ޖައްސަވައި، ޓްރާންސްފަރ ސްލިޕް 7803433 ނަންބަރަށް ވައިބަރ ކުރުމަށް އެދިފައެވެ.

މި މަޝްރޫޢު ދެމެހެއްޓެނިވި ގޮތެއްގައި ކުރިއަށް ގެންދިއުމަށްޓަކައި، ލިބޭ ފައިސާގެ 12.5 އިންސައްތަ ހަރަކާތް ރާވައި ހިންގުމުގެ ޚަރަދުތަކަށް ބޭނުންކުރެވޭނެ ކަމަށް ވެސް އެހީ ޖަމިއްޔާއިން މަޢުލޫމާތު ދީފައިވެއެވެ.