މި މަހުގެ 23 ވަނަ ދުވަހުން ފެށިގެން ރަމަޟާން މަސް ނިމެންދެން މާލެ ސަރަޙައްދުގެ ގޭބިސީތަކުން ކުނި ނެގުމުގެ ޚިދުމަތްދޭ ވަގުތުތުތަކަށް ބަދަލު އަންނާނެކަމަށް ވެމްކޯއިން ބުނެފިއެވެ.
ވެމްކޯއިން ބުނީ، ރަމަޟާންމަހު މާލޭގެ ގޭބިސީތަކުން ކުނި ނެގުމުގެ ޚިދުމަތް ދޭނީ ރޭގަނޑު 8:30 އިން ދަނވަރު 2:30 އަށް ކަމަށެވެ. ނަމަވެސް ރަމަޟާން މަހަށް އަންނަ ބަދަލުތަކަށް އަހުލުވެރިކުރުމަށް، ގަޑިތަކަށް މި ގެންނަ ބަދަލު މިމަހުގެ 23 ވަނަ ދުވަހުން ފެށިގެން ތަންފީޒުވާން ފަށާނެކަމަށެވެ.
އެހެންކަމުން މިމަހުގެ 23 ވަނަ ދުވަހުން ފަށައިގެން ކުނި ނެރެންވާނީ، ބަދަލު ގެނެވުނު ގަޑިތަކަށް ސަމާލުކަންދީގެންކަމަށް ވެމްކޯއިން ބުނެފައިވެއެވެ.
މާލޭގެ އިތުރުން ހުޅުމާލޭގައި ރަމަޟާން މަހު ކުނި ނެގުމުގެ ޚިދުމަތް ދޭނީ ރޭގަނޑު 9:00 އިން ދަންވަރު 1:00 އާ ހަމައަށް ކަމަށާ އަދި ވިލިމާލޭގައި ޚިދުމަތް ދޭނީ ރޭގަނޑު 9:30 އިން ދަންވަރު 1:30 އަށް ކަމަށް ވެމްކޯއިން ބުންޏެވެ. އަދި ހުޅުމާލެ އަދި ވިލިމާލޭގައި މި ބަދަލުތައް ގެންނާނީ ރަމަޟާންމަހުގެ ފުރަތަމަ ދުވަހުން ފަށައިގެން ކަމަށްވެސް ބުންޏެވެ.
އެހެންކަމުން ގަޑިތަކަށް މި ގެންނަ ބަދަލުތަކަށް އާއްމުން ސަމާލުވެ ކުނި ނަގަން ފަށާ ގަޑީގެ، ގަޑިއެއްހާއިރު ކުރިން ކުނި ރަނގަޅަށް ޕެކްކޮށް، ދޮރު ކަރީ ބޭރުގައި ބެހެއްޓުމަށް އެކުންފުނިން އިލްތިމާސްކުރެއެވެ.
Advertisement
This content is created and paid for by advertisers and does not involve Voice Journalists
