އިލެކްޝަންސް ކޮމިޝަން (އީސީ)ގެ ރައީސްކަމަށް މިހާރު އެ ކޮމިޝަންގެ މެންބަރުކަން ކުރައްވަމުން ގެންދަވާ މުޙައްމަދު ޒާހިދު، އަދި ނާއިބަކަށް އެ ކޮމިޝަންގެ މެންބަރު ޢަބްދުއްރަޙްމާން ޞަލާޙް ރަޝީދު މިއަދު ރައީސުލްޖުމްހޫރިއްޔާ ޑރ.މުހައްމަދު މުއިއްޒު އައްޔަނުކުރައްވައިފިއެވެ.
މި ދެ ބޭފުޅުންނަށް ރައްޔިތުންގެ މަޖިލީހުން ރުހުން ދެއްވާފައިވަނީ އިއްޔެއެވެ. އީސީގެ ރައީސް ކަމަށް ޒާހިދު އައްޔަންކުރަން 68 މެންބަރުން ރުހުން ދިން އިރު، ނައިބު ރައީސްކަމަށް ޞަލާޙް އައްޔަންކުރުމަށް 69 މެންބަރުން ވަނީ ރުހުން ދެއްވާފައެވެ.
ދެބޭފުޅުން އިލެކްޝަންސް ކޮމިޝަނުގެ މެންބަރުކަމަށް ޢައްޔަން ކުރައްވާފައިވަނީ މިދިޔަ ޖަނަވަރީ މަހުގެ 26 ވީ އާދިއްތަ ދުަވަހުއެވެ. ޒާހިދު ވަނީ މީގެކުރިން ހިއުމަންރައިޓްސް ކޮމިޝަން (އެޗްއާރުސީއެމް)ގެ ނައިބު ރައީސްކަން ކުރައްވާފަ އެވެ. އަދި ސަލާހު ވަނީ އީސީގެ ޑިރެކްޓަރގެ މަގާމުގެ އިތުރުން އެކްޓިން ސެކެޓްރީކަން ކުރައްވާފަ އެވެ
Advertisement
This content is created and paid for by advertisers and does not involve Voice Journalists
