ގދ. ފަރެސްމާތޮޑާގައި ސަރުކާރުން ކުރިއަށްގެންދިޔަ ފެނާއި ނަރުދަމާ މަޝްރޫއު ނިމިއްޖެއެވެ.
ކޮންސްޓްރަކްޝަން މިނިސްޓްރީން އެކްސްގައި ކުރި ޕޯސްޓެއްގައި ބުނެފައިވަނީ، މި މަޝްރޫއު ކުރިއަށްގެންގޮސްފައިވަނީ އެގްޒިމް ބޭންކް އޮފް އިންޑިޔާގެ ލައިން އޮފް ކްރެޑިޓްގެ ދަށުން ޓްރެވެނީ އިންޖިނިއަރިންގ އެންދޑް އިންޑަސްޓްރީސް ލިމިޓެޑްގެ ފަރާތުން ކަމަށެވެ.
މި މަޝްރޫއުގެ ދަށުން 90 ޓަނުގެ އާރްއޯ ޕްލާންޓް، 625 ޓަނުގެ ބޯފެން ރައްކާކުރާ 2 ޓޭންކް، 10 ކިލޯމީޓަރުގެ ނަރުދަމާ ނެޓްވޯކެއްގެ މަސައްކަތްކޮށްފައިވާ ކަމަށް މިނިސްޓްރީން ބުނެފައި ވެއެވެ. އަދި 13 ކިލޯމީޓަރުގެ ފެނުގެ ނެޓްވޯކަކާއި 3 ޕަމްޕިން ސްޓޭޝަނާއި 25 ކިލޯވޮޓްގެ ސޯލާ ފެނަލްވެސް މި މަޝްރޫއުގެ ދަށުން އެ ރަށުގައި ވަނީ ޤާއިމްކޮށްފައެވެ.
މިނިސްރީން ބުނީ، ނަރުދަމާ ނިޒާމް އޮޕަރޭޓްކުރުމުގެ ގޮތުން ފެނަކަ ކޯޕަރޭޝަނާއި ހަވާލުކުރުމަށްޓަކައި ކުރެވޭ މަސައްކަތްތައް މިހާރު ކުރިއަށްދާ ކަމަށެވެ. އޭގެ ފަހުން ފަރެސްމާތޮޑާ ރައްޔިތުންނަށް ފެނާއި ނަރުދަމާގެ ހިދުމަތް ފެނަކަ ކޯޕަރޭޝަނުން ފޯރުކޮށްދޭނެއެވެ.
Advertisement
This content is created and paid for by advertisers and does not involve Voice Journalists
