ކުރީގެ ރައީސް އަލްއުސްތާޒު މައުމޫން އަބްދުލްގައްޔޫމްގެ އަމިއްލަފުޅު ފޮންޓެއް އަންނަ ހުކުރު ދުވަހު ނެރުމަށް ހަމަޖެހިއްޖެ އެވެ.
މި ފޮންޓު ނެރެނީ މައުމޫން ފައުންޑޭޝަނާއި އަކުރު ޓަައިޕް ގުޅިގެންނެވެ. ފޮންޓް ނެރުމަށް ހަމަޖެހިފައިވަނީ އާޓް ގެލެރީގައި ހުކުރު ދުވަހުގެ ރޭ ބާއްވާ ހާއްސަ ރަސްމިއްޔާތެއްގަ އެވެ.
މި ފޮންޓަށް ނަން ދީފައި ވަނީ މައުމޫންގެ ނަންފުޅުން "މައުމޫން" މި ނަމެވެ. މި ފޮންޓް ނެރުމަށް ފަހު ފޮންޓް ދައްކާލުމަށް ހޮނިހިރު ދުވަހު މައުރަޒެއް ބޭއްވުމަށް ވަނީ ހަމަޖެހިފަ އެވެ. މައުރަޒު އޮންނާނީ މާލެ އާޓް ގެލަރީގަ އެވެ. މަރުކަޒަށް އާންމުންނަށް ޒިޔާރަތް ކުރެވޭނެ އެވެ.
މައުރަޒު އާންމުންނަށް ހުޅުވާލާނީ ހެނދުނު 10:00 އިން ރޭގަނޑު 11:00 އަށެވެ.
ރައީސް މައުމޫނަކީ ވަރަށް މޮޅު ކެލެގްރާފަރެކެވެ. ދިވެހިންނާއި އަރަބީން ވަރަށް ރީތިކޮށް ލިޔުއްވަ އެވެ. މާލޭގެ ބޮޑު މިސްކިތް -- އިސްލާމީ މަރުކަަޒުގެ މިހުރާބުގޭގައިވާ ފިލާގައި އެ ވަނީ ރައީސް މައުމޫންގެ އަތުލިޔުއްވުމެވެ. އިސްލާމީ މަރުކަޒުގެ ނަން ބޯޑް ވެސް ލިޔުއްވާފައި ވަނީ މައުމޫން އެވެ.
Advertisement
This content is created and paid for by advertisers and does not involve Voice Journalists
