ވ. އަތޮޅާއި މ. އަތޮޅުގެ ރަށަކުން މީހުން ބަދަލުވާން އެދިފައި ވާކަމަށް ސިޓީތަކާ އިދާރީ ދާއިރާތައް ހިންގުމާ އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު މިއަދު ވިދާޅުވެއްޖެއެވެ.

ސިޓީތަކާ އިދާރީ ދާއިރާތަކާއި އާންމު މަސައްކަތްތަކާ ބެހޭ ވުޒާރާއިން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކް ދައްކަވަމުން ވަޒީރު ވިދާޅުވީ، ހދ.ހިރިމަރަދޫ ރައްޔިތުން އެހެން ރަށަކަށް ބަދަލުކުރުމުގެ މަސައްކަތްތައް ކުރިއަށް ގެންދިޔުމަށް އެ ވުޒާރާއާ ހަވާލު ކުރެވިފައިވާ ކަމަށާ، އެ މަސައްކަތް ކުރިއަށްދާ ކަމަށެވެ. 

މިއާއެކު ވަޒީރު ވިދާޅުވީ، އިތުރު ބައެއް ރަށްރަށުންވެސް އެހެން ރަށަކަށް ބަދަލުވާން އެދިފައިވާ ކަމަށެވެ.

އެގޮރުން، ވ. އަތޮޅާއި މ. އަތޮޅު ރަށަކުން އެކަމަށް އެދިފައި އޮތް ކަމަށާއި އެކަމާމެދު ރަސްމީކޮށް ގޮތެއް ނިންމާފައި އަދި ނުވާކަމަށެވެ. އަދި އެކަމާމެދު ނިންމާ ނިންމުން ޔަގީން ވުމުން އެ ރަށްތަކާ ގުޅޭ އިތުރު މައުލޫމާތުތައް ހާމަކުރާނެ ކަމަށް ވަޒީރު ވަނީ ވިދާޅުވެފައެވެ.