އިސްރާއީލްގެ ވެރިރަށް ތެލް އަވީވް ކައިރިއަށް ބޮމުގެ ކުއްލި ހަމަލާތަކެއްދީ އިސްރާއީލް އެލާޓަށް އަތުވެއްޖެއެވެ.

ކޮންބައެއްކަން ނޭނގޭ ބަޔަކު ވަނީ ތެލް އަވީވް ކައިރީ އޮތް ތިން ބަހަކަށް އަމާޒުކޮށް ބޮމުގެ ހަމަލާތަކެއް ދީފައެވެ. މި ހާދިސާތަކުގައި 4 މީހަކަށް އެކިވަރުގެ އަނިޔާތަކެއް ވެފައިވާކަމަށް އިސްރާއީލްގެ އެމަޖެންސީ ހިދުމަތުން ބުނެއެވެ. 

ތެލް އަވީވް ކައިރީދިން ދިން މި ހަމާލަތަކާ ގުޅިގެން ނަތަންޔާހޫގެ ސަރުކާރަށް ވަނީ ކުއްލި ސިހުމެއް ލިބި ވެސްޓްބޭންކުގައި ސަލާމަތީ ފިޔަވަޅުތައް ވަރަށް ވަރުގަދަކޮށްފައެވެ. އިސްރާއީލުން ވަނީ މި ހަމަލާތައް ދީފައިވަނީ ހަމާސްކަމަށް ތުހުމަތުކޮށްފައެވެ. މެދުއިރުމަތީގެ ބައެއް ނޫސްތަކުން ރިޕޯޓްކޮށްފައިވާގޮތުގައި މިހާޓަނަށް 3 ބަހަކަށް އަމާޒުކޮށް ހަމަލާދީފައިވާއިރު ގޮއްވާލުމަށް ތައްޔާރުކޮށްފައިވާ ބައެއް އުޅަނދުތައް ވަނީ ފެނިފައެވެ. މިއާއެކު ތެލްއަވީވްގެ ބައެއް ސަރަހައްދުތަކުގެ އާއްމު ދަތުރުފަތުރުތައް ވަނީ ވަގުތީގޮތުން ހުއްޓާލާފައެވެ.

Advertisement

މި ހާދިސާއާ ގުޅިގެން އިސްރާއީލްގެ ޓްރާންސްޕޯޓް މިނިސްޓަރު، މިރީ ރެގޭވް މޮރޯކޯއަށް ކުރައްވަމުންގެންދެވި ދަތުރުފުޅު ކުރުކޮށްލެއްވުމަށްފަހު ވަނީ އެނބުރި ޤައުމަށް ވަޑައިގެންފައެވެ.

ނަތަންޔާހޫގެ އަމުރުފުޅަށް އިސްރާއީލްގެ މިލިޓަރީ ސިފައިން ވެސްޓްބޭންކްގެ މަގުތަކަށް ނެރެފައިވާއިރު، މިކަމާ ގުޅޭގޮތުން އިސްރާއީލްގެ ޑިފެންސް މިނިސްޓަރު އިސްރާއީލް ކަޓްޒް ވަނީ، ވަރަށް ނުރައްކާތެރި އިންޒާރެއް ދެއްވާފައެވެ. އޭނާ ވިދާޅުވީ، ހަމަލާތަކުގެ ބަދަލު ހިފުނުގޮތަކަށް ހިފާނޭކަމަށް ވިދާޅުވެފައެވެ. އޭނާގެ މި ވާހަކަތަކާ ގުޅިގެން މެދުއިރުމަތީގެ މަޝްރަހު ދިރާސާކުރާ ފަރާތްތަކުން ވަނީ އިސްރާއީލުން ދެން ކޮންމެ ފަދަ ވަގުތެއްގައިވެސް ޣައްޒާ ހަނގުރާމައިގެ ދެވަނަ މަރުހަލާ ފަށާފާނޭކަމުގެ ކަންބޮޑުވުން އެބައޮތްކަމަށް ބުނެފައެވެ. އަދި މިއީ ޣައްޒާއަށް ހަމަލާތަށް ދިނުމަށް އިސްރާއީލުން ނަގާނޭ ހުއްޖަތެއްކަމަށްވެސް ފާހަގަކޮށްފައެވެ.

އިސްރާއީލުން ޣައްޒާގައި ހިންގަމުންދިޔަ 15 މަސްދުވަހަށް ދިގުލައިގެން ކުރިއަށްގެންދިޔަ ހަނގުރާމައިގެ ޖަރީމާތައް ވަގުތީގޮތުން ހުއްޓާލާފައިވާއިރު، ޣައްޒާއަށް ލިބުނު ގެއްލުންތައް 50 ބިލިއަން ޑޮލަރަށް އަރާކަމަށް އދ އިން ވަނީ ބުނެފައެވެ.