1.8 މެގަވޯޓުގެ ޖެންސެޓް އިންސްޓޯލްކޮށް، އައްޑޫ ސިޓީގެ ގުޅިފައިވާ ރަށްރަށަށް ކަރަންޓް ޔަޤީންކޮށްދީފިއެވެ.

ފެނަކައިން މިއަދު ބުނީ، އައްޑޫ ސިޓީގެ ސީޕީއެސްއަށް ހޯދުނު 1.8 މެގަވޯޓުގެ ޖެންސެޓް އިންސްޓޯލްކޮށް، މިހާރު ވަނީ ޚިދުމަތަށް ބޭނުން ކުރަން ފަށާފައިވާ ކަމަށެވެ.

އައްޑޫ ސިޓީގެ ހިތަދޫ އާއި ގުޅިފައިވާ ރަށްތަކުން، ދޭތެރެ ދޭތެރެއިން ކަރަންޓްގެ ޚިދުމަތް މެދުކެނޑި އެކަމުގެ ތަކުލީފް ރައްޔިތުންނަށް އުފުލަން ޖެހިފައިވާއިރު، އެ މައްސަލާގައި ފެނަކައިން ކުރިން ނެރުނު ބަޔާނެއްގައި ބުނީ، އެ ރަށްރަށުން ކަރަންޓު ކެނޑެނީ ސެންޓްރަލް ޕަވާ ސްޓޭޝަންގައި ބޭނުންކުރާ ޖަނަރޭޓަރު ސެޓްތަކުގެ ތެރެއިން ތިން ޖަނަރޭޓަރު ސެޓަށް މައްސަލަ ދިމާވެ އިތުރު އެއް ޖަނަރޭޓަރު ސެޓް މަރާމާތު ނުކުރެވޭ ވަރަށް ހަލާކުވެގެން ކަމަށެވެ. 

Advertisement

އޭގެ ސަބަބުން އެ ރަށް ރަށަށް ބޭނުންވާ ވަރަށް ކަރަންޓް އުފެއްދުމަށް ދަތިވެ، އެކި ވަގުތު ތަކުގައި އެކި ސަރަހައްދުން ކަރަންޓް ކަނޑަން ޖެހިފައިވާ ކަމަށް ފެނަކައިން އޭރު ބުންޏެވެ. 

އެހެންކަމުން، 1.8 މެގަވޮޓުގެ އާ ޖަނަރޭޓަރު ސެތެއް ހޯދާފައިވަނީ އައްޑޫގެ ކަރަންޓުގެ މައްސަލައަށް އަވަސް ހައްލެއް ހޯދުމުގެ ގޮތުން ސްޓެލްކޯއާއެކު ވެވުނު އެއްބަސްވުމެއްގެ ދަށުން 1.8 ކަމަށް ފެނަކައިން ވަނީ ބުނެފައެވެ. 

މީގެ އިތުރުން، ފެނަކައިން ބުނީ ހަލާކުވި ޖަނަރޭޓަރުތަކުގެ ތެރެއިން އެއް ޖަނަރޭޓަރު މަރާމާތުކޮށް މިހާރު ހިންގާފައިވާ ކަމަށާއި ދެ ވަނަ ޖަނަރޭޓަރު މަރާމާތުކޮށް ނިމިދިޔަ ހަފުތާގެ ނިޔަލަށް ހިންގޭނެ ކަމަށެވެ. އަދި ރާއްޖެއިން ބޭރުން ސްޕެއާ ގެނެސް، ތިންވަނަ ޖަނަރޭޓަރުވެސް ކުރިއަށް އޮތް ހަފުތާއެއްހާ ދުވަސް ތެރޭގައި ހިންގަން ފެށޭނެ ކަމަށް އެ ކުންފުނިން މައުލޫމާތު ދެއެވެ.