މިދިޔަ އަހަރެކޭ އެއްގޮރތަށް މިފަހަރުގެ ރަމަޟާންމަހުވެސް އެހީ ޖަމިއްޔާ މެދުވެރިކޮށް އިފްތާރުޕެކް ތައްޔާރުކޮށްދިނުމުގެ ހިދުމަތް ލިބޭނޭކަމަށް އެޖަމިއްޔާއިން ބުނެފިއެވެ.
އެހީ ޖަމިއްޔާއިން ވަނީ މިދިޔަ އަހަރުތަކުގެ ރަމަޟާންމަހުވެސް މިސްކިތްތަކަށާއި، ނިކަމެތީންނަށް ރޯދަ ވީއްލުމުގެ ގޮތުން އިފްތާރުޕެކް ބަހާފައެވެ. އެހީ ޖަމިއްޔާއިން ބުނީ މިފަހަރުގެ ރަމަޟާންމަހުވެސް އެޖަމިއްޔާއިން އެކަން ކުރިއަށްގެންދާނޭ ކަމަށާއި، އިފްތާރުޕެކް ތައްޔާރުކުރުމަށް ބޭނުންވާ ފަރާތްތަކުން އެޖަމިއްޔާގެ އެކައުންޓަށް ފައިސާ ޖަމާކުރުމުން ޕެކް ތައްޔާރުކޮށްދޭނޭކަމަށެވެ. އިފްތާރުޕެކް ތައްޔާރުކުރުމަށް އެޖަމިއްޔާއިން ކަނޑައަޅާފައިވަނީ ޕެކަކަށް 35 ރުފިޔާއެވެ.
އެހީ ޖަމިއްޔާ ޕެކް
އެހީ ޖަމިއްޔާއިން ބުނީ މިފަދަ އިތުރު ހަރަކާތްތައް މެދުނުކެނޑި ކުރިއަށް ގެންދިއުމަށްޓަކައި ލިބިގެންދާ ފައިސާގެ %12.5 ހަރަކާތް ރާވާ ހިންގުމުގެ ޚަރަދުތަކަށް ބޭނުންކުރެވިގެން ދާނެ ކަމަށެވެ.
އެހީ ޖަމިއްޔާއިން ވަނީ މިދިޔަ އަހަރުގެ ރަމަޟާންމަހުވެސް އެކިއެކި ވިޔަފާރިތަކާ ގުޅިގެން އިފްތާރުޕެކް ބެހުމުގެ މަސައްކަތް ކުރިއަށްގެންގޮސްފައެވެ. އެގޮތުން ތާޖް ރިސޒޯޓާށ ގުޅިގެން މިދިޔަ އަހަރުގެ ރަމަޟާންމަހު 600 އިފްތާރުޕެކް ބަހާފައިވާކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
