Firihen dharivarakah groom kuri teacher vakikoffi

ފިރިހެން ދަރިވަރަކަަށް ގުރޫމް ކުރި އަންހެން ޓީޗަރު ވަކިކޮށްފި

24 Feb 2025 | 16:37

ޖިންސީ ގޯނާއާ ދެކޮޅަށް ބޭއްވި އިހްތިޖާޖެއް

އަންހެން ޓީޗަރަކު ފިރިހެން ދަރިވަރަކަަށް ގުރޫމް ކުރި މައްސަލަ ބެލުމަށް ފަހު އެ އަންހެން މީހާ ވަޒީފާއިން ވަކިކޮށްފި އެެވެ.

މި ހާދިސާ ހިނގީ ސައުތު ޕޮލިސްގައި ހިމެނޭ ރަށެއްގަ އެވެ. ފުލުހުން ބުނީ އެ ރަށު ސުކުލޫގެ އަންހެން ޓީޗަރަކު ފިރިހެން ދަރިވަރަކަށް ގްރޫމް ކުރި ކަމަށް ތުހުމަތު ކުރެވޭ މައްސަލައެއް ހުށައަޅާފައިވާ ކަމަށެވެ.

އަންހެން މީހާ ގުރޫމް ކުރީ ގްރޭޑް އަށެއްގައި ކިޔަވާ ދަރިވަރަކަށެވެ. މި މައްސަލަ ފުލުހަށް ހުށައެޅީ މިދިޔަ މަހުގެ 21 ވަނަ ދުވަހު އެވެ.

ފުލުހުން ބުނީ މައްސަލައާ ގުޅޭ މައުލޫމާތު ކަމާ ގުޅުންހުރި އިދާރާތަކާ ހިއްސާ ކުރުމަށް ފަހު މައްސަލަ ތަހުގީގު ކުރަމުން ގެންދާ ކަމަށެވެ.

މިއީ ކުޑަކުއްޖަކާ ގުޅޭ މައްސަލައެއް ކަމުން ހާދިސާ ހިނގި އަތޮޅާ ރަށް ފުލުުހުން ހާމައެއް ނުކުރެ އެވެ.

އެޑިއުކޭޝަން މިނިސްޓްރީން މިއަދު ބުނީ އެ މައްސަލަ ބެލުމަށް ފަހު އޭނާ ވަޒީފާއިން ވަކިކޮށްފައިވާ ކަމަށެވެ.

ގާނޫނުގައި ބުނާ ގޮތުން ކުޑަ ކުއްޖަކު ގްރޫމް ކުރުމަކީ ޖިންސީ އަމަލެއް އެ ކުއްޖާއާމެދު ހިންގުމަށްޓަކައި އެ ކުއްޖާއަށް ފައިސާ ނުވަތަ އެ ނޫން ވެސް މާއްދީ އެއްޗެއް ދީގެން އެ ކުއްޖާއާ ޖަޒުބާތީ ގުޅުމެއް ގާއިމްކޮށް، ކުއްޖާގެ އިތުބާރު ހޯދުމަށް މަސައްކަތް ކުރުމެވެ.