ދާހިލީ ވަޒީރު ޢަލީ އިހުސާން މިއަދު ދެއްކެވި ކުރީގެ ފަސްޓް ލޭޑީ ފަޒްނާ އަޙްމަދުގެ ފޮޓޯއަކީ އެމްޑީޕީ ހަރުގެ ތެރޭގައި ނަގާފައިވާ ފޮޓޯއެއް ކަމަށް އެމްޑީޕީގެ ޗެއާޕާސަން ފައްޔާޒް އިސްމާޢީލް ވިދާޅުވެއްޖެއެވެ.
އެމްޑީޕީ ގައުމީ މަޖިލީހުގައި ވާހަކަދައްކަވަމުން ފައްޔާޒް މިފަދައިން ވިދާޅުވީ, މިއަދު ރައްޔިތުންގެ މަޖިލީހުގެ ޖަލްސާގައި ދާހިލީ ވަޒީރު ޢަލީ އިހުސާން ދެއްކެވި ވާހަކައިގެ ރައްދުގައެެވެ.
ދާދި ފަހުން ވަޒީރު އިހުސާން ޑިޕާޓްމެންޓް އޮފް ނޭޝަނަލް ރަޖިސްޓްރޭޝަން (ޑީއެންއާރް) ތެރޭގައި ފޯމްތަކެއް ކަމަށް ބެލެވޭ ކަރުދާހެއްގެ ފޮޓޯ އެއީ ޕާޓީ ރަޖިސްޓްރޭޝަން ފޯމްތަކެއް ކަމަށް ޝައްކުކުރެވޭ ކަމުގެ ތުހުމަތުގައި މިއަދު އިހުސާން މަޖިލީހަށް ހާޒިރުކުރައްވާފައި ވެއެވެ. އިދިކޮޅުން ދަނީ އިހުސާން، ޑީއެންއާރްގެ ޑޭޓާބޭސްއިން ރައްޔިތުންގެ ޒާތީ މައުލޫމާތު ބޭނުންކޮށްގެން ޕީއެންސީއަށް މެންބަރުން ވަގަށް ވައްދަން މަސައްކަތް ކުރި ކަމަށް ތުހުމަތުކުރައްވާފައެވެ. އެކަމާއި ގުޅިގެން އިހުސާންއަށް ޖަވާބުދާރީވުމަށް ފުރުސަތު ދެއްވުމަށްފަހު، އޭނާގެ އިތުބާރު ނެތްކަމާއި ގުޅިގެން ވޯޓެއްވެސް ނަގާފައި ވެއެވެ.
ނިމިދިޔަ ރިޔާސީ އިންތިޚާބު ދުވަސްވަރުގައި، ކުރީގެ ރައީސް އިބްރާހީމް މުޙައްމަދު ޞާލިހުގެ އަނބިކަނބަލުން ފަޒުނާ އަޙްމަދު، ޑީއެންއާރުގެ ޑާޓާ ބޭނުންކުރައްވައިގެން އެމްޑީޕީއަށް މެންބަރުން ވެއްދުމުގެ މަސައްކަތް ކުރެއްވި ކަމަށް އިހުސާން ތުހުމަތުކުރެއްވިއެވެ.
ވަޒީރު އެ ދެއްކެވި ފޮޓޯއަކީ 2023 ވަނަ އަހަރު ބޭއްވި އެމްޑީޕީގެ ރިޔާސީ ޕްރައިމެރީއާއި ގުޅިގެން އެމްޑީޕީ ހަރުގެއެއްގެ ތެރޭގައި ފަޒްނާ މަސައްކަތް ކުރައްވަމުންދިޔައިރު ނަގާފައިވާ ފޮޓޯއެއް ކަމަށް ފައްޔާޒް ހާމަކުރެއްވިއެވެ. މެމްބާޝިޕް ފޯމް ފުރާއިރުގައި އެމްޑީޕީ އިން ކޮންމެ މެންބަރެއްގެ ފޮޓޯއެއް ނަގާ ކަމަށް ފައްޔާޒް ވިދާޅުވިއެވެ. އަދި އެމްޑީޕީގެ ޑޭޓާބޭސް ރައްކާކުރެވޭނެ ޓެކްނޮލޮޖީ އެމްޑީޕީގައި އެބަހުރި ކަމަށް ފައްޔާޒް ވިދާޅުވިއެވެ. އޭގެއިން ހެކި ފެންނާނެ ކަމަށް އިޝާރާތްކުރައްވާފައި ވެއެވެ.
މިނިސްޓަރ އިހުސާންއަށް މިކަން އޮޅިވަޑައިގަތް ކަމަށް ވިދާޅުވެ، ފައްޔާޒް ވަނީ އެކަމާއި ކަންބޮޑުވުން ފާޅުކުރައްވާފައެވެ.
އެކަން އަޅުގަނޑުމެން ދިވެހި ރައްޔިތުންނަށް ސާފުކޮށްދޭން ބޭނުން. އެމްޑީޕީގެ މެންބަރުންގެ ފޮޓޯޖެހި ލިސްޓެއް އަޅުގަނޑުމެންގެ ޕްރައިމެރީގައި މެޑަމް ފަޒްނާ މަސައްކަތްކުރައްވަމުން ގެންދެވީކަމަށް އަޅުގަނޑަށް ގަބޫލުކުރެވެނީ. އޭރުގެ ޕްރައިމެރީގައި ވާދަކުރައްވަމުން ގެންދެވީ މެޑަމް ފަޒްނާގެ ފިރިކަލުން، ރައީސް އިބްރާހީމް މުޙައްމަދު ޞާލިޙު
އެމްޑީޕީ ޗެއާޕާސަން ފައްޔާޒް އިސްމާޢީލް
Advertisement
This content is created and paid for by advertisers and does not involve Voice Journalists
