ކުރިއަށް އޮތް ރޯދަ މަހު ކަރަންޓުން ޑިސްކައުންޓް ދިނުމަށް ވަކި ބިލެއް ތައްޔާރު ކުރަން ނިންމާ މާލެ ސަރަހައްދުގެ ހުރިހާ ގޭބީސީތަކަކުން ރީޑިން ނެގުމަށް ސްޓެލްކޯގެ 350 އަށްވުރެ ގިނަ މުވައްޒަފުން މާދަމާ ނިކުންނަން ނިންމައިފި އެވެ.
ސަރުކާރުން ވަނީ މި ރޯދަ މަހު ވެސް ކަރަންތް ބިލްތަކުން ރައްޔިތުންނަށް ޑިސްކައުންޓް ދޭން ނިންމާފަ އެވެ.
ސްޓެލްކޯ އިން މިއަދު ބުނި ގޮތުގައި އާއްމު ގޮތެއްގައި ރީޑިން ނެގުމުގައި ގްރޭޓާ މާލެ ސަރަހައްދުގައި ހަރަކާތްތެރިވާ 29 މުވައްޒަފުންގެ ބަދަލުގައި މާދަމާ ސްޓެލްކޯގެ 350 އަށްވުރެ ގިނަ މުވައްޒަފުން ރީޑިން ނެގުމަށް ނިކުންނާނެ އެވެ. އޭގެ ތެރޭގައި ކުންފުނީގެ މެނޭޖިން ޑިރެކްޓަރު ހުސައިން ފަހްްމީއާ އިސްވެރީން ވެސް ބައިވެރިވެވަޑައިގަންނަވާނެ އެވެ.
ހާއްސަ ޓާސްކު ފޯހެއް ހަދައިގެން ރީޑިން ނަގަން ނިންމީ ކުރީ އަހަރު ކުރިމަތިވި މައްސަލަ ތަކުރާރުވިޔަ ނުދިނުމަށެވެ. ސްޓެލްކޯ އިން ކޮންމެ މަހެއްގައި ވެސް ރީޑިން ނަގަން 15-12 ދުވަހުގެ މުއްދަތެއް ނަގަ އެވެ. މިދިޔަ ރޯދަ މަހު ވެސް އަމަލު ކުރީ ގޮތަކަށެވެ. އެހެންވެ ޑިސްކައުންޓް ދިން ގޮތާމެދު އޮޅުން އަރާ އާންމުންގެ ޝަކުވާ ބޮޑުވި އެވެ.
އެހެން ކަމުން މި ރޯދަ މަހު އާންމުން ބޭނުންކުރާ ކަރަންޓާއި ފެނަށް ބެލުމަށް ފަހު މުޅި މަހަށް ހާއްސަ ޑިސްކައުންޓް ބިލެއް ތައާރަފު ކުރުމަށް ސްޓެލްކޯ އިން ވަނީ ނިންމާފަ އެވެ.
ސްޓެލްކޯ އިން ވަނީ މާދަމާ ރީޑިން ނަގަން ގެތަކަށް އެ ކުންފުނީގެ މުވައްޒިފުންދާއިރު ގޭގައި އުޅޭ ވަގުތަކާ ދިމާނުވާ ނަމަ އެކަން އަންގައި ދިނުމަށް އެދިފަ އެވެ. އަދި ހުރިހާ ކަސްޓަމަރުންގެ ފުރިހަމަ އެއްބާރުލުމަށް އެދިފައިވެ އެވެ.
Advertisement
This content is created and paid for by advertisers and does not involve Voice Journalists
