އިންޑިއާއާއި އިނގިރޭސިވިލާތާއި ދެމެދު މިނިވަން ވިޔަފާރީގެ އެއްބަސްވުމެއް ގާއިމުކުރުމަށް ކުރަމުން އައި މަސައްކަތްތައް ހުއްޓިފައި އޮންނަތާ އަހަރަކަށްވުރެ ގިނަ ދުވަސްފަހުން، އަނެއްކާވެސް ދެގައުމުން މަޝްވަރާތައް ފަށައިފިއެވެ.
އިނގިރޭސި ވިޔަފާރިއާއި ބެހޭ ވަޒީރު ޖޮނަތަން ރެނޯލްޑްސް މިހާރު އިންޑިއާއަށް ކުރައްވަމުން ގެންދަވާ ދަތުރުފުޅުގައި، އިއްޔެއާއި މިއަދު ދެގައުމުގެ މެދުގައި މަޝްވަރާތައް ކުރިއަށްދާނެއެވެ. އިންޑިއާގެ ފަރާތުން މަޝްވަރާތަކުގައި އިސްކޮށް ބައިވެރިވެވަޑައިގަންނަވަނީ އެގައުމުގެ ވިޔަފާރިއާއި ބެހޭ ވަޒީރު ޕިޔުޝް ގޯޔާލް އެވެ.
2022 ވަނަ އަހަރުން ފެށިގެން މި މަޝްވަރާތަކުގެ އެކި ބުރުތައް ބޭއްވިނަމަވެސް، އަދި މިހާތަނަށް ފައިނަލް ޑޮކިއުމެންޓަކާ ހަމަޔަށް ދެވޭ ގޮތެއް ނުވެއެވެ. މިއީ ލޭބަރ ޕާޓީ އިނގިރޭސިވިލާތުގެ ވެރިކަމަށް އައި ފަހުން ބާއްވާ މަޝްވަރާތަކުގެ ފުރަތަމަ ބުރެވެ. މި އެއްބަސްވުން ގާއިމްކުރުމަކީ އާ ސަރުކާރުގެ ވިޔަފާރީގެ މައިގަނޑު ލަނޑުދަނޑިތަކުގެ ތެރޭގައި ހިމެނޭ ކަމެކެވެ.
ދުނިޔޭގެ ތިން ވަނައަށް އެންމެ ބޮޑު އިގްތިސާދަށް ވުމަށް އިންޑިއާއިން އަމާޒު ހިފާފައިވާއިރު، އިނގިރޭސިވިލާތާއެކު ކުރާ ވިޔަފާރި 2030 ވަނަ އަހަރުގެ ނިޔަލަށް 1 ޓްރިލިއަން ޑޮލަރަށް އެރުވުމަކީ އިންޑިއާގެ ބޮޑުވަޒީރު ނަރެންދްރަ މޯދީގެ އަމާޒެކެވެ.
Advertisement
This content is created and paid for by advertisers and does not involve Voice Journalists
