އެންމެ އުތުރުގެ ތިން އަތޮޅުގެ ރަށްތަކުގައި ހަދާފައިވާ އާރުޓީއެލް ފެރީ ޓާމިނަލްތައް ލޯކަލް ސިޓީސް މިނިސްޓްރީއާ ހަވާލުކޮށްފި އެވެ.

ކުރީގެ ރައީސް ސޯލިހްގެ ސަރުކާރުން ފެށި އާރުޓީއެލް ހިދުމަތް އެންމެ ފުރަތަމަ ފެށީ އުތުރުގެ ހއ އާއި ހދ އަދި ށ އަތޮޅުގަ އެވެ. އާރުޓީއެލްގެ ހިދުމަތް ފެށީ ކޮންމެ ރަށެއްގައި ޚާއްސަ ފެރީ ޓާމިނަލެއް ގާއިމު ކުރުމަށް ފަހު އެވެ.

އެތަންތަން ތަރައްގީ ކުރީ ފެރީގެ ހިދުމަތްދޭ އެމްޓީސީސީންނެވެ. 

Advertisement

ޓްރާސްޕޯޓް މިނިސްޓްރީން މިއަދު ވަނީ ފެރީ ޓާމިނަލްތައް ލޯކަލް ސިޓީސް މިނިސްޓްރީއާ ރަސްމީކޮށް ހަވާލުކޮށްފަ އެވެ.

ސިޓީސް މިނިސްޓަރު އާދަމް ޝަރީފް އުމަރު ވިދާޅުވީ ފެރީ ޓާމިނަލްތައް ވަރަށް އަވަހަށް ކައުންސިލްތަކާ ރަސްމީކޮށް ހަވާލު ކުރާނެ ކަމަށެވެ. އަދި އެ ތަންތަން ބެލެހެއްޓުމާއި އާމްދަނީ ހޯދުމުގެ ހައްގު ކައުންސިލްތަކަށް ލިބިގެންދާނެ ކަމަށެވެ.

ފެރީ ޓާމިނަލްތައް ވަރަށް އަވަހަށް ކައުންސިލްތަކާ ހަވާލު ކުރާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ އިއުލާނު ކުރައްވާފަ އެވެ.