"ގެދޮރުވެރިޔާ" ސްކީމްގެ ދަށުން ދޫކުރަން ނިންމާފައިވާ ފެލްޓްތަކުގެ ކުލީގެ އަދަދު ސަރުކާރުން ހާމަކޮށްފި އެވެ.

މި ސްކީމްގެ ދަށުން އިމާރާތް ކޮށްފައި ވަނީ ދެ ކޮޓަރި އަދި ތިން ކޮޓަރީގެ އެޕާޓްމަންޓްތަކެވެ. ރައީސް ސޯލިހްގެ ސަރުކާރު ގައި ފްލެޓްތަކުގެ ކުލި އޮތީ ކަނޑައަޅާފަ އެވެ.

ނަމަވެސް ކޮންސްޓަރްކްޝަން އެންޑް ހައުސިން މިނިސްޓަރު މުއްތަލިބު މިއަދު ވިދާޅުވި ގޮތުގައި ކުރީ ސަރުކާރުން ކުލި ކަނޑައަޅާފައި އޮތީ އެއްވެސް ދިރާސާއެއް ނުކޮށެވެ. މި ސަރުކާރުން އެ ދިރާސާ ކުރުމަށް ފަހު ކުލި އަލުން ކަނޑައަޅާފައިވާ ކަމަށް ވިދާޅުވި އެވެ.

އެއީ ދެ ކޮޓަރީގެ އެޕާޓްމަންޓަކަށް 8,000 ރުފިޔާ އަދި ތިން ކޮޓަރީގެ 10,500 ރުފިޔާ އެވެ. އެއީ މެއިންޓެނަންސް ފީ ހިމަނައިގެންނެވެ. ދެ ކޮޓަރީގެ މެއިންޓެނަންސް ފީ އަކީ 1000 ރުފިޔާ އެވެ. ތިން ކޮޓަރީގެ މެއިންޓެނަންސް ފީ 1,500 ރުފިޔާ އެވެ.

ތިން ކޮޓަރީގެ ސެކިއުރިޓީ ފީގެ ގޮތުގައި ދައްކަން ޖެހެނީ 25,000 ރުފިޔާ އެވެ. ދެ ކޮޓަރީގެ ސެކިއުރިޓީ ފީގެ ގޮތުގައި 15,000 ރުފިޔާ އެވެ.

މިއީ ކުރީ ސަރުކާރުން ހަމަޖެއްސި އަގުތަކަށް ވުރެ ބޮޑު އަގެގެކެވެ.