ބ އަތޮޅުން ދ އަތޮޅަށް ނެރެފައިވާ މޫސުމީ އިންޒާރު އާ ކޮށް ވަގުތު އިތުރު ކޮށްފި އެވެ.

މި ދުވަސްވަރަކީ މުޅި ރާއްޖެއަށް މޫސުން ގޯސް ދުވަސްވަރެކެވެ. މިއަދާއި މިރޭ އެންމެ މޫސުން ގޯހީ ބ އަތޮޅުން ފެށިގެން ދ އަތޮޅުގެ ރަށްތަކަށެވެ. އެ ސަރަހަައްދަށް އޮތީ އޮރެންޖް ސަމާލު ނެރެފަ އެވެ.

ފުރަތަމަ އެ ސަމާލު ނެރުނީ މިރޭ 9:45 އިން 12:00 އަށެވެ. ނަމަވެސް އެ ސަމާލު އާ ކޮށް މެންދަމު 3:00 އާ ހަމައަށް މިހާރު ވަނީ ދަންމާލާފަ އެވެ.

މެޓް އޮފީހުން ބުނީ މިވަގުތުތަކުގައި ގުގުރުމާއެކު ބޯކޮށް ވާރޭވެހޭނެ ކަމަށެވެ. ފެންބޮޑުވާނެތީ ސަމާލުވާން ވެސް އެދިފައިވެ އެވެ.

ކ އަތޮޅުން ފެށިގެން މ އަތޮޅަށް އޮތީ ރީންދޫ ސަމާލު ނެރެފަ އެވެ. ނ އަތޮޅުން ފެށިގެން ގދ އަތޮޅާ ހަމައަށް އޮތީ ހުދު ސަމާލު ނެރެފަ އެވެ.

މާލެ ސަރަހައްދަށް ހުއްޓުމެއް ނެތި ދަނީ ވާރޭވެހެމުންނެވެ. ބައެއް ވަގުތުތަކުގައި ވަރަށް ބޯކޮށް ވެހުމުގެ ސަބަބުން މާލެއާ ހުޅުމާލޭގައި ވަނީ ފެންބޮޑުވެފަ އެވެ.