ކުރީގެ ރައީސް ޔާމީން އަބްދުލްގައްޔޫމް--
ރިޕޯޓް
30 Sep 2026 | 18:50
ސަރުކާރުގެ ސަޕޯޓަރުން ރައީސް ޔާމީނަށް ހަނދާންކޮށްދިނީ އެމަނިކުފާނު ކުރީން ދެއްކެވި މި ވާހަކަފުޅު

މި ދުވަސްވަރު އެންމެ ބޮޑަށް ކުރެވޭ ބަހުސަކީ ރަސްމާލޭގައި ހިންގުމަށް ހަމަޖެހިފައިވާ ބިޔަ މަޝްރޫޢުއާ ގުޅޭ އެކި ވާހަކަތަކެވެ. މިއީ ރާއްޖޭގެ ތާރީހުގައި ވެސް މި ގައުމުގައި ކުރެވޭ އެންމެ ބިޔަ އިންވެސްޓްމަންޓެވެ. ޔޫއޭއީގެ ނުފޫޒުގަދަ އަދި މުއްސަދި އެއް ކުންފުނި ކަމުގައިވާ އީގަލް ހިލްސް އިން ހިންގުމަށް ހަމަޖެހިފައިވާ މަޝްރޫއުއާމެދު އިދިކޮޅު ފަރާތްތަކުގެ ވާހަކަ ތަފާތެވެ.

ބައެއް ސިޔާސީ ލީޑަރުންނާއި އިދިކޮޅު ޕާޓީގެ ސަޕޯޓަރުންގެ ނަޒަރުގައި މިއީ ރާއްޖޭން ބައެއް ބޭރުގެ ކުންފުންޏަކަށް ވިއްކާލުމެވެ. ދެން ދުވަހަކުވެސް އެ ބިމުގެ މިލްކުވެރިކަން ދިވެހީންނަށް ލިބުމެއް ނެތެވެ. އެއާއެކު މި ރާއްޖޭގައި އެހެން އެ ގައުމުތަކުގެ މީހުންނަށް ވަޒަންވެރިވެ ރައްޔިތުކަން ހޯދުމަށް ރަނގަޅު ނޫން ދޮރެއް ހުޅުވައިދެވެނީ އެވެ. ސައްތައިންސައްތަ އިސްލާމީ ގައުމެއްގެ ގޮތުގައި ރާއްޖެ އޮތުން ނިމުމަކަށް އަންނަނީ އެވެ.

ނަމަވެސް ސަރުކާރުގެ ރައްދު މުޅީން ތަފާތެވެ. ބިޔަ މި މަޝްރޫއުން ރާއްޖެއަށް އޮތީ މުޅީންވެސް ފައިދާ އެވެ. ދިވެހީންނަށް އޮތީ އުފާވެރި ކަމާއި ފާގަތި ކަމެވެ. އެތައް ހާސް ވަޒީފާއެއް އުފެދޭނެ އެވެ. ދައުލަތަށް އެތައް މިލިއަން ޑޮލަރެއްގެ އާމްދަނީ ލިބޭނެ އެވެ. ދިވެހީންނަށް ބޯހިޔާވަހިކަން ފަހިވާނެ އެވެ. ޓޫރިޒަމްގައި ރާއްޖޭގެ ނަންބަރު އުފުލޭނެ އެވެ. މިހެންގޮސް އެތައް ކަމެކެވެ.

ރައީސް ޔާމީންގެ ބޮޑު ކަންބޮޑުވުމެއް, އުޅެނީ ބިން ވިއްކާލަން

ރަސްމާލެ މަޝްރޫޢުއާމެދު އެންމެ ބޮޑު ކަންބޮޑުވުމެއް ފާޅުކުރައްވާ އެއް ބޭފުޅަކީ ރައީސް ޔާމީނެވެ. ރައީސް ޔާމީން ވިދާޅުވި ގޮތުގައި ރަސްމާލޭ ބިމުން ބައެއް ވިއްކާލަނީ އެވެ. އަދި އެކަން ކުރާ މީހުންނަށް ހައްގު އަދަބު ދެއްވާނެ ކަމަށްވެސް ވިދާޅުވި އެވެ.

އެކި ފަހަރު މަތީން އެކި މޭރުމުން އެމަނިކުފާނު އެ ވާހަކަފުޅު ދައްކަވައިފި އެވެ. ރައީސް ޔާމީނަކީ މިހާރު ހިނގަމުންދާ ޕީއެންސީ ސަރުކާރުގެ ކުރީގެ ބައިވެރިއެކެވެ. ޕީއެންސީގެ ފިކުރަކީ ރައީސް ޔާމީންގެވެސް ފިކުރެވެ. އެހެން ކަމުން އެމަނިކުފާނު އެހެން ވިދާޅުވުމަކީ ޕީއެންސީގެ މެންބަރުންނަށް އުނދަގޫ ކަަމަށްވެ އެވެ.

އެހެން ކަމުން ސަރުކާރުގެ ސަޕޯޓަރުން ރައީސް ޔާމީނަށް ހަނދާން ކޮށްދިނީ އެމަނިކުފާނުގެ ވެރިކަމުގައި "މަވެސް ޕީޕީއެމް" ނަމުގައި ބޭއްވި ހާއްސަ ހަފްލާއެއްގައި ދެއްކެވި ވާހަކަފުޅެވެ. ރައީސް ޔާމީންގެ ކެބިނެޓްގެ ހުރިހާ ވަޒީރުންނާއި ޕީޕީއެމްގެ އިސް ހުރިހާ ބޭފުޅުން ބައިވެރިވި އެ ހަފްލާގައި ރައީސް ޔާމީން ވަނީ ބޭރުގެ ބިޔަ އިންވެސްޓްމަންޓްތަކަށް ފުރުސަތު ފަހިކުރަން އޭރު ފާސްކުރަން މަސައްކަތް ކުރަމުން ދިޔަ ގާނޫނު ދިފާއު ކުރައްވާ ވާހަކަ ދައްކަވާފަ އެވެ.

މިފަދަ އިންވެސްޓްމަންޓްތައް ކުރީން ދިފާއު ކުރެއްވި

އެސްއީޒެޑް ގާނޫނު ވުޖޫދުކުރީ ފ އަތޮޅުގައި ސައުދީން ހިންގަން ބޭނުންވި ބިޔަ މަޝްރޫއުއަށް ފުރުސަތު ފަހިކޮށްދޭށެވެ. ރައީސް ޔާމީން އެ ދުވަހު ވިދާޅުވި ގޮތުގައި ސައުދީގެ ޝާހީ އާއިލާގެ ބޭފުޅުން, އެ މަޝްރޫއު ފެށުމަށް މަސައްކަތް ފެށީ ރައީސް ވަހީދުގެ ސަރުކާރުގަ އެވެ. އަދި އެ މަޝްރޫއުއާ ގުޅޭގޮތުން އޭރު ތިއްބެވި ހުރިހާ ސިޔާސީ ލީޑަރުންނާއި މަޝްވަރާކުރެއްވި ކަމަށް ރައީސް ވަހީދު ވިދާޅުވި ކަމަށް ޔާމީން ވިދާޅުވި އެވެ.

އަދި އެސްއީޒެޑް ގާނޫނެއްގެ މުހިންމުކަން ތަކުރާރު ކުރެއްވި އެވެ.

"ރާއްޖޭގައި ބޮޑެތި ބިޔަ އިންވެސްޓްމަންޓްތައް ހިނގާ ކަމަށް ވަންޏާ ރާއްޖެއަށް މިފަދަ އިންވެސްޓްމަންޓްތައް ގެންނަން ބޭނުންވާ ބޮޑެތި ގާނޫނު ހަދާނެ. އަދި އިންވެސްޓަރުންނަށް ހިމާޔަތް ދޭން ކުރަންޖެހޭ ކަންކަން ކުރާނެ,"

އޭގެ ފަހުން ޔާމީން ވިދާޅުވީ ފާފު މަޝްރޫއުއާ އެހާތަނަށް ހިންގި ޓޫރިޒަމް މަޝްރޫއުތަކާއި ތަފާތެއް ނެތް ކަމެވެ. އޭރުވެސް 99 އަހަރަށް ދޫކޮށްފައިވާ ރަށްތައް ހުރި ކަމަށެވެ. ޓޫރިޒަމަށް ރަށްރަށް 99 އަހަރަށް ދޫކުރަން ގާނޫނުން ފުރުސަތު އެބައޮތް ކަމަށެވެ.

ރައީސް މައުމޫންގެ ވެރިކަމުގައި ގާނޫނުތަކުގައިވާ ގޮތުން ބޭރުގެ ބަޔަކަށް ރަށެއް ދޫކުރެވޭނީ އެންމެ ގިނަ ވެގެން 25 އަހަރަށެވެ. ނަމަވެސް ރައީސް ނަޝީދު ވަޑައިގެން އެ މުއްދަތު 50 އަހަރަށް ބަދަލު ކުރެއްވި އެވެ. 99 އަހަރަށް ބަދަލު ކުރެއްވީ ރައީސް ޔާމީންގެ ވެރިކަމުގަ އެވެ.

"މި އުޅެނީ އައު ކަމެއް ކުރާކަށް ނޫން. އެހެންވީމަ މީކީ މައުލޫމާތު ނުލިބިގެނެއްވެސް ނޫން. އައު ކަމެއް ކުރާތީއެއްވެސް ނޫން. ނޫނިއްޔާ ވަކިތަނެއް, ބަޔަކަށް އޮޅުވާލައިގެން ވިއްކާލަން ކުރާ މަސައްކަތެއް ވެސް ނޫން. މީ ހަމަ ބިޔަ ބޮޑެތި މަޝްރޫއުތައް ރާއްޖެއަށް އަންނާތިއްޔާއެކީ އެފަދަ ބިޔަ މަޝްރޫއުތަކަށް ޖާގަ ހޯދައިދިނުމަށްޓަކައި ގާނޫނުން ލިބެންވާ ހައްގާއި ރައްކާތެރިކަން ހޯދާދިނުމަށްޓަކައި ފާސްކުރަން ޖެހޭ ގާނޫނެއް," ފާފު މަޝްރޫއުއަށް ފުރުސަތު ފަހިކުރަން ގާނޫނަށް ގެންނަން މަސައްކަތްކުރި ބަދަލު ދިފާއު ކުރައްވާ ޔާމީން އެ ދުވަހު ވިދާޅުވި އެވެ.

ޔާމީން ވިދާޅުވި ގޮތުގައި ބިޔަ އެ އިންވެސްޓްމަންޓުގައި އިސްތިޤްލާލަށް ގެއްލުއްވާނެ އެއްވެސް ކަމެއް ނުހިމޭނެ އެވެ. އަދި ވިދާޅުވީ ދިވެހީން ރަނގަޅު ކަންކަން ބޭނުންްވާއިރު އެކަމަށް ބަޔަކު މަގުފަހިކުރާނަމަ ޖާގަ ނުދޭން އުލޭތަން ފެންނަ ކަމަށެވެ.

ރަނގަޅު ކަންތައްތައް ބޭނުން. އެކަމަކު އެ ރަނގަޅު ކަންތައްތައްކޮށްދޭން ބަޔަކު މަގުފަހިކުރާ ކަމަށްވަންޏާ ހާލަތު އެޔަށް ޖާގަ ނުދޭތަން ފެނިގެން މިދަނީ,"

ޔާމީންގެ މި ވާހަކަތައް ހަނދާންކޮށްދީ ސަރުކާރުގެ އެތައް ސަޕޯޓަރުނެއް ވަނީ ރަސްމާލެ މަޝްރޫއު އާއި ފާފު މަޝްރޫޢުގެ އެއްވެސް ތަފާތެއް ނެތް ކަން ފާހަގަކޮށްފަ އެވެ. އެކަން އެނގިވަޑައިގެން ހުންނަވާ މިއަދު ރައީސް ޔާމީން ވާހަކަ ދައްކަވަނީ, އެ ދުވަހު އެމްޑީޕީގެ ވެރީން ދެއްކެވި ގޮތަށް ކަމަށް ސަޕޯޓަރުން ބުނެ އެވެ.

ސަރުކާރުން ދެނީ ބިން ނުވިއްކާނެ ކަމުގެ ޔަގީންކަން

ރަސްމާލޭން އެކި މަޝްރޫއުތަކަށް ބޭރުގެ އިންވެސްޓަރުންނަށް ބިން ދޫކުރާނީ ހަމައެކަނި ކުއްޔަށް ކަމަށާއި، އެތަނުން ބިން މިލްކު ނުކުރެވޭނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަކުރާރުކޮށް ވަނީ ވިދާޅުވެފަ އެވެ.

ބަންޑާރަ ނާއިބު އަހްމަދު އުޝާމް ވިދާޅުވި ގޮތުގައި ރަސްމާލެ މަޝްރޫއު ހިނގާނީ މިހާރު އެކުލަވައިލަމުން އަންނަ ރިއަލް އެސްޓޭޓް ޤާނޫނުގެ ދަށުންނެވެ. މިހާތަނަށް ސޮއިކޮށްފައިވަނީ ހަމައެކަނި ލެޓާ އޮފް އިންޓެންޓް އެބަހީ ކޮމާޝަލް ޓާމްސް އެގްރީމެންޓެއްގައި ކަމަށާއި މަޝްރޫޢު ފެށުމުގެ ކުރިން އެ ޓާމްސްތަކުގެ މައްޗަށް ބިނާކޮށް އިތުރު މަޝްވަރާކުރެވި ޑެފިނިޓިވް އެގްރީމެންޓްތަކެއްގައި ސޮއިކުރަން ޖެހޭނެ ކަމަށާއި އެކަމާ ގުޅުން ހުރި ޤާނޫނުތައް ރައްޔިތުންގެ މަޖިލީހުން ފާސްކުރަން ޖެހޭނެ ކަމަށް ވެސް ވިދާޅުވި އެވެ.

މި މަޝްރޫޢު ކުރިއަށް ގެންދިޔުމުގައި ގާނޫނުއަސާސީއާއި ޤާނޫނުތަކާ ޚިލާފު އެއްވެސް ކަމެއް ސަރުކާރުން ނުކުރާނެ ކަމަށް ވެސް ބަންޑާރަނައިބު ވިދާޅުވި އެވެ.

ކޮމެންޓް
ގުޅޭ ލިޔުންތައް
30 Sep 2026
ވަންދޫގައި ސިހުރު ހެދި ކަމުގެ ތުހުމަތުގައި މީހަކު ހައްޔަރުކޮށްފި
ފުލުހުންގެ ބެލުމުގެ ދަށަށް ގެންގޮސްފައިވަނީ 61 އަހަރުގެ ފިރިހެނެކެވެ. މައުލޫމާތު ލިބޭ ގޮތުގައި އެއީ އެ ރަށުގެ މުދިމެވެ.
30 Sep 2026
ރަސްމާލެ އެއްބަސްވުމާ ގުޅޭ ސުވާލަކަށް ޖަވާބު ހޯދުމަށް ޕީއެންއެފުން ރައީސަށް ސިޓީއެއް
އެ ޕާޓީން ފާހަގަކުރި ގޮތުގައި މި ޑީލާ ބެހޭ ގޮތުން ސާފުނުވާ ގިނަ ކަންތައްތަކެއް އެބައޮތެވެ. ދިވެހި ރައްޔިތުންގެ މަޞްލަޙަތާއި ދައުލަތުގެ މިނިވަންކަމާއި އިސްތިޤުލާލަށް ނުރައްކާ ވެދާނެ ކަމުގެ ކަންބޮޑުވުން ވެސް އެ ސިޓީގައި ފާޅުކޮށްފައިވެއެވެ. ޖުމްލަ 34 ނުކުތާއަކަށް ޖަވާބު ދެއްވުމަށް ސިޓީގައި ރައީސްގެ އަރިހުން އެދިފައިވެއެވެ.
30 Sep 2026
ތެލެސީމިއާ ކުދީންގެ އެލަވަންސްއަށް މަހަކު މިލިއަނެއް, 500 ކުދީންނަށް އެލަވަންސް
މި ބަދަލާއެކު ރާއްޖޭގައި ތިބި 500 އަށް ވުރެ ގިނަ ތެލެސީމިއާ ކުދިންނަށް މި އެލަވަންސް ގަވާއިދުން ލިބެމުންދާކަން ވަޒީރު ފާހަގަކުރެއްވި އެވެ.
30 Sep 2026
ރަސްމާލެ މަޝްރޫޢު އިން ދައުލަތަށް 11 ބިލިއަން ޑޮލަރު ލިބޭނެ
އެކްސްގައި ކުރެއްވި ޕޯސްޓެއްގައި މިނިސްޓަރު ވިދާޅުވީ އެ މަޝްރޫޢުން އެވެރެޖްކޮށް އަހަރަކު ގާތްގަނޑަކަށް 1.1 ބިލިއަން ޑޮލަރުގެ އާމްދަނީއެއް ދައުލަތަށް ވަންނާނެ ކަމަށެވެ. މިއީ ރާއްޖޭގައި ހިންގާ 179 ރިސޯޓާއި 16 ހޮޓަލާއި 920 ގެސްޓްހައުސް އަދި 165 ސަފާރީ އުޅަނދުން ލިބޭ ޖުމްލަ އާމްދަނީ ފަހަނައަޅައިދާ ވަރުގެ ބޮޑު ޢަދަދެއް ކަމަށް މިނިސްޓަރު ފާހަގަކުރެއްވިއެވެ.
30 Sep 2026
އިރާގުގައި ތިބޭތާ 12 އަހަރަށްފަހު އެމެރިކާ އާއި އިނގިރޭސި ސިފައިން އެޤައުމުން ފައިބައިފި
އުތުރު ޢިރާޤުގެ ކުރުދިސްތާން ސަރަޙައްދުގެ އިރުބީލުގައި ތިބި ގާތްގަނޑަކަށް 100 އިނގިރޭސި ސިފައިން ފާއިތުވި ހަފުތާތަކުގައި އެމެރިކާ ސިފައިންނާ ގުޅިގެން ވަނީ އެ ސަރަހައްދުން ފައިބައިފައެވެ. ބޭރުގެ ސިފައިން މި މަހުގެ ނިޔަލަށް ފޭބުމަށް މީގެ ދެ އަހަރު ކުރިން އެމެރިކާއާއި ޢިރާޤު ސަރުކާރާ ދެމެދު ސޮއިކޮށްފައިވާ އެއްބަސްވުމެއްގެ ދަށުން
30 Sep 2026
ސަރުކާރުގެ ސަޕޯޓަރުން ރައީސް ޔާމީނަށް ހަނދާންކޮށްދިނީ ކުރީން ދެއްކެވި މި ވާހަކަފުޅު
ރަނގަޅު ކަންތައްތައް ބޭނުން. އެކަމަކު އެ ރަނގަޅު ކަންތައްތައްކޮށްދޭން ބަޔަކު މަގުފަހިކުރާ ކަމަށްވަންޏާ ހާލަތު އެޔަށް ޖާގަ ނުދޭތަން ފެނިގެން މިދަނީ,"
30 Sep 2026
ތިލަފުށީ ޕޯޓަކީ ވިޔަފާރިއާއި އިޤްތިޞާދީ ތަރައްޤީއާ އެންމެ ބޮޑަށް ގުޅިފައިވާ އެއް މަޝްރޫޢު
ސަޢީދު ވިދާޅުވީ، މި މަޝްރޫޢުގެ ބޭނުމަކީ މާލޭ ވިޔަފާރި ބަނދަރުގެ ޙާލަތު ބަދަލުކޮށް މިހާރުގެ އިޤްތިޞާދީ ހަޤީޤަތްތަކާ ފައިހަމަވާ ފެންވަރަކަށް އެ ބަނދަރު ގެނައުން ކަމަށެވެ
30 Sep 2026
މާސްކް ކުންފުނިން ރާއްޖެ ހިމެނޭ ރޫޓުގެ މުދާ އުފުލައިދޭ އަގު ކުޑަކުރުމަށް ނިންމައިފި
މި ބަދަލު ތިން ރޫޓަކަށް ހިނގާނެއެވެ. އެއީ އުތުރު ހުޅަނގު އިންޑިއާ އަދި ޕާކިސްތާނުން ހުޅަނގު އައްސޭރިފަށުގެ ދެކުނު އެމެރިކާ ކެރީބިއަން އަދި މެދުތެރޭ އެމެރިކާއަށް ދަތުރުކުރާ ރޫޓާއި ދެކުނު އަދި އިރުމަތީ އިންޑިއާއިން ހަމަ އެ މަންޒިލްތަކަށް ދަތުރުކުރާ ރޫޓާއި ބަންގްލަދޭޝް ސްރީ ލަންކާ އަދި ރާއްޖެ ހިމެނޭ ރޫޓެވެ.